ಚುಟುಕು

ಚುಟುಕು 

ಒಲವ ಧಾರೆ ಹರಿಸಲೇನು ಕೋಡು 

ಹಿಡಿದು ಹೋಗಬೇಕು ಮನದ ಜಾಡು

ಕಡಿದು ಮಾಡದಿರಿ ನೋವ ಕಾಡು

ಜಡಿದು ಬೀಗ ಹಾಕಿ ಬಾಯ ನೋಡು

@ಹನಿಬಿಂದು@

13.07.2025

ನ್ಯಾನೋ ಕಥೆ

ಕ್ಷಣ

ಪ್ರೀತಿಸಿ ಏಳು ವರ್ಷಗಳ ಸುಧೀರ್ಘ ಕಾಯುವಿಕೆಯ ಬಳಿಕ ಹಿರಿಯರ ಒಪ್ಪಿಗೆ ಪಡೆದು ಪ್ರಕಾಶ ಮತ್ತು ಹರಿಣಿ ಸರ್ವ ಹಿರಿಯ ಹೃದಯಗಳ ಸಮ್ಮುಖದಲ್ಲಿ ಪಾನಿಗ್ರಹಣ ಮಾಡಿಕೊಂಡರು. ಇಬ್ಬರಿಗೂ ಬದುಕಿನಲ್ಲಿ ತನ್ನ ಪ್ರೀತಿಯನ್ನು ಪಡೆದ ಖುಷಿ.  ಅಂದಿನಿಂದ ಅವರ ಬಾಳಲ್ಲಿ ಹಿತವಾದ ತಂಗಾಳಿ ಬೀಸಿತು. 

@ಹನಿಬಿಂದು@

11.07.2025

ಗಜಲ್

ಗಜಲ್ 

ಗುರುತರ ಜವಾಬ್ದಾರಿ ಹೊತ್ತ ಗುರುವೇ ನಿಮಗೆ ಋಣಿ

ಗುರುಗಳ ತಾಳ್ಮೆಯ ಕಲಿಕಾ ಪ್ರೋತ್ಸಾಹದ ಚಿಲುಮೆಗೆ ಋಣಿ

ಗುರು ಎಂಬ ನಾಮಕ್ಕೆ ಲಘುವಲ್ಲದೆ ದುಡಿದವರು

ಗುರುತಾಗಿ ಉಳಿದ ಹಿರಿತನದ ಗುರುತಿಗೆ ಋಣಿ

ಮರೆತರೂ ಮರೆಯದ ನೆನಪುಗಳ ಬದುಕಿನಲಿ ಉಳಿಸಿದವರು

ಸರಿ ದಾರಿಯಲಿ ನಡೆವ ಗುರುತಿನ ಹಾದಿಗೆ ಋಣಿ

ಗರಿಗೆದರಿ ಹಾಡುವುದು ಮೈಮನ ನೆನೆದಾಗ ಗುರುಹಿರಿಯರನ್ನು

ಪರಿಪರಿಯಲಿ ಹೇಳುತ ನಮಸ್ಕಾರವನು ಶಿಕ್ಷಕರಿಗೆ ಋಣಿ

ಸಾಧನೆಯ ಮಾಡಲು ಬೀಗುತ್ತಾ ಹರಸಿ ಆಶೀರ್ವಾದದ ಕೊಡುಗೆ

ಹನಿ ಹನಿ ಜ್ಞಾನದ ತುತ್ತುಣಿಸಿದ ಕೈಗಳಿಗೆ ಋಣಿ..

@ಹನಿಬಿಂದು@

10.07.2025