147. ಶಿವಸ್ತುತಿ-8

8. ಶಿವನಿಗೆ ಅರಿಕೆ

ಓ ಶಿವನೇ, ನಿನ್ನ ಕೈಯಲ್ಲಿರುವ ತ್ರಿಶೂಲದಿಂದ
ನನ್ನಲಿರುವ ಸೋಮಾರಿತನವ ತಿವಿದುಬಿಡು//

ಓ ಜಠಾಧರನೇ, ನಿನ್ನಲಿರುವ ವಿಭೂತಿಯಿಂದ
ನನ್ನಲಿರುವ ದರ್ಪ , ಅಗೌರವವ  ಅಳಿಸಿಬಿಡು//

ಓ ಸದಾಶಿವನೇ, ನಿನ್ನ ತಲೆಯಲಿರುವ ಗಂಗೆಯಿಂದ
ನನ್ನ ಸರ್ವ ಪಾಪಗಳ ತೊಳೆದು ಸ್ವಚ್ಚಮಾಡಿಬಿಡು//

ಓ ಪಂಚಲಿಂಗೇಶ್ವರನೇ, ನಿನ್ನೆದುರಿರುವ ನಂದಿಯಿಂದ
ನನ್ನಲಿರುವ  ಅಂಧಕಾರ, ಅಜ್ಞಾನವನು ತಿವಿಸಿಬಿಡು//

ಓ ಶಿವನೇ, ನೀನು ಹೊದ್ದ ಗಜ ಚರ್ಮದಿಂದ
ಲೋಕದಲ್ಲಿರುವ  ಅಂಧಕಾರ, ನೋವು, ಮುಚ್ಚುವಂತೆ ಮಾಡು//

ಓ ಮಹಾಲಿಂಗೇಶ್ವರನೇ, ನಿನ್ನ ಢಮರುಗವ ಬಾರಿಸಿ
ಜಾತಿ ಮತ ಕುಲಗಳ ನಡುವಿನ ಕಂದಕವ ತೆರೆದುಬಿಡು//

ಓ ಕೈಲಾಸವಾಸನೇ, ನಿನ್ನ ಕಂಠದಲ್ಲಿರುವ ವಿಷದಿಂದ
ನನ್ನ ಪೈಶಾಚಿಕ ಕೃತ್ಯಗಳ, ದಾಹಗಳ ಕೊಂದುಬಿಡು//
@ಪ್ರೇಮ್@