ಭಾವಗೀತೆ-
ನನ್ನೊಲವೆ ಬಾ..
ನನ್ನೆದೆಯ ಭಾವವೇ ನೀನೇಕೆ ದೂರಾದೆ?
ಮೆದುಳಿನಲಿ ಸುಳಿದಾಡೋ ಪ್ರೀತಿಯೇ ನೀನೇಕೆ ಸಿಗದಾದೆ?
ಜತೆಗೆ ಸಮಯವ ಕಳೆವ ಆಸೆಯದು ನನಗೆ,
ಮರಳಿನಂತೆ ಕಣಕಣವ ಆವರಿಸಿಹುದು ನಿನ್ನ..
ಬಾಚಿ ತಬ್ಬುತಲಿ ಹೂ ಮುತ್ತನೀಡ ಬಾ..
ಕಾಣೊ ಕಣ್ಣಿಗೆ ಬೆಳಕಾಗಿ ನೀ ಬಾ..
ದೂರವಿರಲಾರೆ ನಿನ್ನಿಂದ ಮನದ ಮಲ್ಲಿಗೆಯಂತೆ,
ಬಾರೋ ಸನಿಹಕೆ ನೀನು ಸಾಗರ ದಲೆ ದಡಕ್ಕಪ್ಪಳಿಸುವಂತೆ!
ಬಂದು ಹೋಗದಿರು ನೀ ದೂರ ದೂರ,
ಮನೆಮನಕೆ ಶಾಂತಿಯ ನೀಡುತಲಿ ಪೂರ!
ನಿನ್ನಿರವು ತರುವುದು ಶಾಂತಿ ಸಹನೆಯ ಭರಪೂರ,
ದೂರವುಳಿಯೆನು ನಾನು, ನೀನಿರೆ ಮನೋಹರ!
ಬಾರೋ ಚಂದಿರ ಬಾರೋ
ಬಾಳ ರಾಮನೆ ಜತೆಗಿರೆ ಬಾರೋ
ನಲಿವು ನೋವುಗಳ ಹಂಚೆ ಜೊತೆಯಲಿರ ಬಾರೋ..
ಮನವ ಒಂಟಿಯಾಗಿ ಬಿಡದೆ ನಿನ್ನಿರವ ತೋರೋ..
@ಪ್ರೇಮ್@
15.07.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ