ಮುಳುಗಿರುವೆ ನಾನು
ನಿನ್ನ ಪ್ರೀತಿಯ ಧಾರೆಯಲಿ
ಮುಳುಗಿ ಹೋಗಿರುವೆ ನಾನು!
ನಿನ್ನ ಬಾಹು ಬಂಧನದಲಿ
ಕರಗಿ ಹೋಗಿರುವೆ ನಾನು!
ಪ್ರತಿಕ್ಷಣ ನಿನ್ನ ನೆನಪಲಿ
ಬಾಳಿ ಬದುಕುತಲಿರುವೆ ನಾನು,
ನೆನೆಯುತ ನಗೆಯ ನಿನ್ನ ಮೊಗದಲಿ
ಕಷ್ಟಗಳ ಮರೆತಿರುವೆ ನಾನು!
ಪ್ರೀತಿ ಸಾಗರವು ಉಕ್ಕುತಲಿ
ನನ್ನೆ ಮರೆತಿರುವೆ ನಾನು.
ಪೂಜಿಸುತ ಹೃದಯ ಗುಡಿಯಲಿ
ನಿಜ ಭಕ್ತಳಾಗಿರುವೆ ನಾನು!
ಮನದ ಬಯಕೆಗಳ ಚೆಲ್ಲುತಲಿ
ಸದಾ ಧನ್ಯಳಾಗಿರುವೆ ನಾನು!
ಕಷ್ಟ ಸುಖಗಳ ನಿನ್ನೊಡೆ ಹಂಚುತ
ಬಾಳ ಬಂಡಿ ಎಳೆಯುತಿಹೆ ನಾನು!
@ಪ್ರೇಮ್@
27.08.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ