1455. ನನ್ನಾಕೆ

ನನ್ನಾಕೆ

ನಿನ್ನ ಚೆಲುವು ಅದೆಷ್ಟು ಮೋಹಕವೋ

ವರ್ಣಿಸಲಾರೆನು ಸಖಿಯೇ ಆ ಚೆಲುವೋ

ಆ ತುಟಿಗಳೋ ಬಾಳೆ ದಿಂಡುಗಳು

ಹುಬ್ಬುಗಳಂತೂ ಕಲ್ಲಿನ ದಿಬ್ಬಗಳೂ

ಕಣ್ಣುಗಳು ಆಡುವ ಗೋಲಿಗಳು

ಕಣ್ರೆಪ್ಪೆಗಳೋ ಹಾರುವ ಕಪ್ಪೆಗಳು..

ನಿನ್ನಂದಕೆ ನೀನೇ ಸಾಟಿ ರಾಗರಂಜಿನಿ

ನಿನ್ನುದರವೋ ಬಿಸಿ ನೀರಿನ ಹಂಡೆ ವೈರಾಗಿಣಿ

ನಲಿಯುತ ಬರಲು ನೀ ರೈಲಂತಿಹುದು ನಡೆ

ನಡುವದು ಕಟ್ಟುಮಸ್ತಿನ ಆನೆಗಿಂತ ಕಡೆ!

ನುಡಿವ ರಾಗವದೋ ಮಳೆಹುಳದ ಹಾಡು

ಗಜಗಮನೆ ಬಾಳೆಹೂವಿನ ಮೂಗು

ಚಪಾತಿ ಕೆನ್ನೆ ಜಡೆಯೋ ಆಲದ ಬಳ್ಳಿ

ಬಣ್ಣವದು ತೊಳೆದಿಟ್ಟ ಕೆಂಡದುಂಡೆ

ಆದರೂ ನನಗೆ ನೀನಿಷ್ಟ ಜಾಣೆ

ಹೃದಯವದು ನಿನ್ನದು ಅಮೃತಬಳ್ಳಿ

ನಿನ್ನ ಮನ ಸಿಹಿಯಾದ ಕಲ್ಲುಸಕ್ಕರೆ

ಹಿತಮಿತ ಮಾತು ಉದುರುವ ಸವಿಯ ಮಾವಿನ ಹಣ್ಣಂತೆ!!

@ಪ್ರೇಮ್@

15.06.2020