ಪಯಣ

ಪಯಣ

ಹುಟ್ಟು ಸಾವಿದು ಜಗದಿ 

ಬಂದು ಹೋಗುವ ಹಾದಿ

ಜೀವನದ ಪಯಣದಲಿದೆ ನಿಧಿ

ಸಂಗ್ರಹಿಸಬೇಕು ಪ್ರೀತಿಯ ಸಪ್ತಪದಿ

ಬರುತ ಅಳುತಲಿ ನಿಂದು

ಹೋಗುವಾಗ ಪರರ ಅಳಿಸುತಲಿದ್ದು

ಬಿಟ್ಟು ಹೋಗಬೇಕು ಮನತುಂಬಿದ ಭಾವದಿ

ಕಲಿತು ಕಲಿಸುತಲಿ ಕಲಿಯುತಲೇ ಕೊನೆಯುಸಿರು

ಮದ ಮೋಹ ಮತ್ಸರವ ತೊರೆದು

ಸ್ನೇಹ ಸಂತಸ ಸುಖವ ನೆನೆದು

ಪರರಿಗುಪಕಾರ ಮಾಡಿ ಮನದಣಿದು

ಕೂಡಿಟ್ಟ ಹೊನ್ನದೆಲ್ಲ ಇಲ್ಲೆ ತೊರೆದು

ಮನೆ ಕನಕ ಧನರಾಶಿ ಸರ್ವವ ಉಳಿಸಿ

ತಾನುಂಡ ಊಟವನಷ್ಟೆ ನಿಜದಿ ಬಳಸಿ

ನೆಮ್ಮದಿಯ ಕ್ಷಣಗಳನು ಅನುಭವಿಸಿ

ಬೇಸರದ ಘಳಿಗೆಯಲಿ ನೊಂದು ಬೆಂದು

ತಾನೆಂದು ಮೆರೆದವ ಮರೆಯಾದ

ನಾವೊಂದೆ ಎಂದವ ನೆನಪಾಗುಳಿದ

ಜನರಿಗಾಗಿ ದುಡಿದವ ನಕ್ಷತ್ರವಾಗುಳಿದ

ತನಗಾಗೆ ಕೂಡಿಟ್ಟವ ಸ್ಮಶಾನದೊಳಗುಳಿದ..

@ಪ್ರೇಮ್@

17.12.2020