ಸಾಕ್ಷಿ ಬೇಕೆ?

ಸಾಕ್ಷಿ ಬೇಕೇ?

ರವಿಯ ಸುತ್ತ ತಿರುಗೋ ಮರುಳು

ದಿವಸಕ್ಕೊಮ್ಮೆ ಹಗಲು ಇರುಳು

ಕಷ್ಟ ಸುಖದಿ ನಲಿವ ಹತ್ತು ಬೆರಳು

ಒಡ್ಡಬೇಕೇ ಬರಿಯ ಕೊರಳು?

ಚಂದಿರನೇ ಸಾಕ್ಷಿ ಜಗಕೆ

ಸೂರ್ಯ ಧರೆಯ ಗೆಳತನಕೆ

ತುಂಬಿ ಇರುಳ ಬಂಜೆತನಕೆ

ಬೆಳದಿಂಗಳ ಬೆಳಕ ಮೊಳಕೆ

ಗಿರಿಕಿ ಬದುಕು ಸುತ್ತ ಚಲನೆ

ಅಂಡಾಕಾರ ದೇಹ ರಚನೆ

ಶೀತ ಉರಿ ಸಮಶೀತೋಷ್ಣ

ಎತ್ತಿ ಹಿಡಿದ ದೇವ ಕೃಷ್ಣ

ಬಿಸಿಲು ಮಳೆಯು ಭಾರಿ ಚಳಿಯು

ಮಂಜುಗಡ್ಡೆ ಉದುರೊ ಹಿಮವು

ನಿತ್ಯ  ಜೀವ ಜಂತು ಪೊರೆಯೊ

ಕಾಯಕದಲಿ ನೆಮ್ಮದಿ ಪಡೆಯೋ

ದೇವಿ ದೈವ ಗುರುವ ಒಲವು

ಸಾಕಿ ಸಲಹುತ್ತಿರುವ ಬಲವು

ಹುಟ್ಟು ಸಾವು ಒಂದೇ ನೆಲದಿ

ಹೆಸರು ಒಂದೇ ಸಾಕು ಕುಲದಿ

@ಹನಿಬಿಂದು@

01.04.2024