ಹೀಗೆಯೇ

ಹೀಗೆಯೇ..

ಬದುಕಿನ ತರುಲತೆ ಮೊಗ್ಗಿನ ಕನಸದು

ಕೆದಕಿದ ಹೊರತದು ಹೊರಗಡೆ ಬಾರದು

ಬೂದಿಯು ಮುಚ್ಚಿದ ಕೆಂಡದ ತೆರದಲಿ

ನಾದಿದ ಹಿಟ್ಟಿನ ವಿನಯದ ಬಳಿಯಲಿ

ಜೋಪಾನ ಮಾಡಿ ತೆಗೆದಿರಿಸಿದ ತರ

ಕೋಪವ ಬಿಡುತಲಿ ಎಸೆಯೋಣ ದೂರ

ನೋವಿನ ಅಂಗಕೆ ಇಹುದೋ ಮದ್ದದು

ನೊಂದಿಹ ಮನಸಿಗೆ ಎಲ್ಲಿದೆ ಮುದ್ದದು

ಸಾಂತ್ವನ ಬೇಕಿದೆ ಅಳುತಿಹ ಹೃದಯಕೆ

ಸಾತ್ವಿಕ  ಬದುಕಿಗೆ  ನೀಡುತ ಅಭಯವ

ಮೋಹದ ಮಾತಿಗೆ ಸೊಪ್ಪನು ಹಾಕದೆ

ಸೋಜಿಗ ಎನಿಸಿಹ ಬಾಳನು ನೂಕದೆ 

ಮೋಸದ ಜಾಡಿಗೆ ಉಸಿರನು ಎಸೆಯದೆ

ಕೋಶವ ಓದುತ,  ಇತರರ ಮರೆಯದೆ

ಜನಗಳ ನಗುವದು ಖುಷಿಗೇ ಆಸರೆ 

ದನಗಳ ಹಾಗೆ ಹುಡುಕದೆ ಮುಸುರೆ

ಮನೆಗಳ ಅಗಲವು ಹೆಚ್ಚುತ ಇಹುದದು

ಮನಗಳ ನೋವನು ಕಡಿಮೆಯ ಮಾಡದೆ

@ಹನಿಬಿಂದು@

05.06.2024