ಸಂಗತಿ

ಸಂಗತಿ

ಅದು ಯಾವ ದೊಡ್ಡ ಸಂಗತಿ

ನೀ ಆದದ್ದು ನನ್ನ ಸಂಗಾತಿ

ನಾ ಅಂದೇ ಸಿಕ್ಕಿ ಬಿದ್ದೆ ಗೆಳತಿ

ನಿನ್ನ ಬಲೆಗೆ ಬಿದ್ದ ಮೊದಲ ಸಾರಥಿ

ಮಾತಲ್ಲಿ ನಿತ್ಯ ನನ್ನ ಕೊಲ್ಲುತಿ 

ಮೌನದಲ್ಲೂ ಮೂತಿ ತಿರುವುತಿ 

ಮಲ್ಲಿಗೆ ತಂದಾಗ ನಗು ಅರಳಿಸುತಿ

ಮೆಲ್ಲನೆ ತಬ್ಬಲು ಓಡಿ ಹೋಗುತಿ 

ನೀನಿಲ್ಲದೆ ನಾನಿಲ್ಲ ನನ್ನ ರತಿ

ನಿನ್ನ ಅಣತಿ ಇಲ್ಲದೆ ಇಲ್ಲ ಸದ್ಗತಿ

ಸುಮ್ಮನಿರಲು ಎಲ್ಲಿ ನೀ ಬಿಡುತ್ತಿ

ಕನಸಲ್ಲೂ ಬಂದು ಕಾಟ ಕೊಡುತ್ತಿ

ಹೇಳಿ ಕೊಟ್ಟಷ್ಟು ಮುಗಿಯದು ನೀತಿ

ದಿನ ಕಳೆದಷ್ಟು ಹೆಚ್ಚುವುದು ಪ್ರೀತಿ

ನಿನ್ನಿಂದ ನನ್ನ ಬಾಳಲ್ಲಿ ನಿತ್ಯ ಶಾಂತಿ

ಮೊಗ್ಗರಲಿ ಹೂವಾಗಿದೆ ಬಿರಿದು ಕಾಂತಿ

@ಹನಿಬಿಂದು@

08.06.2024