ಅಪ್ಪೆ ಬಾಸೆ ಒರಿಪುಗ
"ಯಾನ್ ಎನ್ನ ಪಂದ್ ಪನಿಯರೆ ದಾದ
ಪೂರಲ ಇರೆನವೇ ವರತ ಪ್ರಸಾದ..." ಉಂದು ನಮ್ಮ ತುಳುಟು ಅಪ್ಪೆ ದೇವಿನ್ ಸುಗಿಪುನ ರಡ್ ಸಾಲುಲು. ಉಂದು ನಮ್ಮ ಬಾಸೆದ ಬುಲೆಚಿಲ್ ಗ್ ಎಂಚ ಒದಗ್ ದ್ ಬರ್ಪುಂಡು ಪಂಡ ಒವ್ವಾ ಜನ್ಮದ ಪುಣ್ಯೊದ ಫಲೊಡ್ದಾಯರೆ ನಮ ತುಲುವೆರಾದ್ ಪುಟ್ಟುದು ಬೈದ. ಆ ದೇವರ್ ನಮಕ್ ಕೊರ್ತಿನ ಮಾಮಲ್ಲ ಅವಕಾಸ ಆಯಿನ ಉಂದೆನ್ ನಮ ನಮ್ಮ ಎಡ್ಡೆಗಾದ್ ಅತ್ತಂದೆ ನಮ್ಮ ಅಪ್ಪೆ ಬಾಸೆದ ಬುಲೆಚಿಲ್ಗ್ ಗಲಸೊಡು.
ಕವಿಕುಲು ಬಾಸೆನ್ ಪಟ್ಟಟ್ಟುನಕಲು. ಬಾಸೆದ ಕೆಲವು ಅಪ್ರೂಪೊಡು ಗಲಸುನ ಪದೊಕ್ಕಲು ಗಲಸರೆ ತಿಕ್ಕುನಿ ಅಕ್ಲೆಗ್ ಮಾತ್ರ. ಬ್ಯಾಂಕ್, ಅಂಗಡಿ ಇಂಚ ಒಂಜೊಂಜಿ ಕಡೆಟ್ ಬೆನ್ಪಿನ ಜನಕ್ಲೆಗ್ ಅಕ್ಲೆಗ್ ಸಾಯ ಆಪಿನ ಪದೊಕ್ಲೆನ ಬಗೆಟ್ ಮಾತ್ರ ಗೊತ್ತಿಪುಂಡು. ಕವಿಕ್ಲು ಓದುನ ಬೊಕ್ಕ ಬರೆಪಿನ ಎಚ್ಚಾಯಿನ ಕಾರಣ ಪೊಸತ್ ಪರತ್ ಪದೊಕ್ಕುಲು ನಮಕ್ ನೆಂಪುಡು ಇಟ್ಟುಕೊಂಡು. ಅಂಚೆ ಅವೆಕ್ಲೆನ್ ಸರಿಯಾದ್ ಗಲಸೊಲಿ. ಆ ರೀತಿ ಪರ ಪದಕ್ಲೆನ್ ಒರಿಪೊಲಿ. ಬಾಸೆದ ದೀಪ ಪೊತ್ತಾವೊಲಿ. ಮಾನಾದಿಗೆನ್ ಬಾಸೆಗಾದ್ ಪಡೆವೊಲಿ.
ಅಪ್ಪೆ ಬಾಸೆ ಒರಿಪಾಯರೆ ಕೈ ಕೊರೊಲಿ. ಬೂಕು ಓದುನ, ಬರೆಪಿನ ಬೇಲೆದ ಒಟ್ಟುಗು ಬಾಸೆದ ಒರಿದಿನ ಇಸಯದ ಬಗೆಟ್ ನಾಲ್ ಜನಕ್ ಪನೊಲಿ. ಪೊಸ, ಪರ ಇಸಯ ಊರುಗ್ ತೆರಿಪಾದ್ ಕೊರೊಲಿ. ನಮಕ್ ಗೊತ್ತಿತ್ತಿನ ಬೊಕ್ಕ ಓದುದು ತೆರಿನ ಪಿರಾಕ್ ದ ಕಟ್ಟ್ ಕಟ್ಟಲೆನ್ ಪಂದ್ ಕೊರೊಲಿ. ಬರೆದ್ ದೀದ್ ದುಂಬುದ ಜೋಕ್ಲೆಗ್ , ಪುಲ್ಲಿ ಪುಡ್ಕೆನಕ್ಲೆಗ್ಲ ಓದುದು ತೆರಿವುನ ಲೆಕ ಮಲ್ಪೊಲಿ. ತುಲು ಗ್ಲಾಸ್ಗ.ತುಲು ಒರಿಪಾಗ. ದಾದ ಪನ್ಪರ್?
@ಹನಿಬಿಂದು@
21.01.2025
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ