ಲೇಖನ

ನಮ ಓಟು ದಾಯೆ ಪಾಡೊಡು?

             ಪ್ರತಿ ದೇಸದ ಪ್ರಜೆಕ್ಲೆಗ್ ಅಕ್ಲೆನ ದೇಸೊಡು ಬದ್ ಕೆರೆ ಅಕ್ಲೆನನೇ ಆಯಿನ ರೂಲ್ಸ್ ಉಂಡು . ಆ ದೇಸಡ್ ಬದುಕುನ ಕಾರಣ ಪೊರೆಲ್ಲಾ ಅವೆನ್ ಪಾಲಿಸಾವೊಡು. ಅಂಚೆನೆ ನಮ್ಮ ದೇಸೊಡುಲಾ ನಮ್ಮ ಸಂವಿಧಾನ ಭಾರತದ ಪ್ರಜೆ ಆಯಿನ ನಮಕ್ ಕೆಲವೊಂಜಿ ಹಕ್ಕ್ ಲೆನ್ ಬೊಕ್ಕ ಕೆಲವೊಂಜಿ ಮೂಲಭೂತ ಬೇಲೆಲೆನ್ ಕೊರ್ತುಂಡು. ಐಕ್ಲೆನ್ ಪಾಲಿಸವುನವು ನಮ್ಮ ಧರ್ಮ. ಪೆದ್ದಿ ಅಪ್ಪೆ ಲೆಕ್ಕನೇ ಬದುಕುನ ದೇಸ. ಆದೇಸೊಗುಲ ಅಪ್ಪೆಗ್ ಕೊರ್ಪಿಲೆಕ್ಕನೇ ಮರ್ಯಾದೆ ಕೊರೊಡು . ಪೂರ ಜನಲ ಅಕ್ಲೆನ ಬೇಲೆ ಬೊಕ್ಕ ಕರ್ತವ್ಯ ತೆರಿಯೊನೊಡು. ತೆರಿದ್ ಮಾತೆಲ್ಲಿಕ ಬಾಳ್ ಸಂದಾವೊಡು. ಬಾಳ್ ಬೆಳಗೂಡು.

        ಅಂಚಿನ ಎಡ್ಡೆಡ್ಡೆ ಹಕ್ಕ್ ಲೆಡ್ ಓಟುದ ಹಕ್ಕಲಾ ಒಂಜಿ. ಭಾರತಡ್ ಪುಟ್ಟುದು ಬುಳೆಯಿನ ಪ್ರತಿಯೊಂಜಿ ಜೋಕ್ಲೆಗ್ಲಾ ಮುಲ್ತ ಪ್ರಜೆಕ್ಲೆನ ಸಮ್ಮಾನ ತಿಕ್ಕುಂಡು. ಅಕ್ಲೆಗ್ ಪದಿನೆನ್ಮ ವರ್ಸ ಆಯಿ ಕೂಡ್ಲೆ ಅಕ್ಲು ಅಕ್ಲೆನ ಜಾಗೆದ ಎಮ್ಮೆಲ್ಲೆನಕ್ಲೆನ್ ಬೊಕ್ಕ ಎಂ.ಪಿ.ನ್ ಓಟು ಪಾಡ್ ದ್  ಅಕ್ಲೆಗ್ ಬೋಡಾಯಿನಕ್ಲೆನ್  ಅಕ್ಲೆನ ಏರೆಗ್ಲಾ ಗೊತ್ತಾವಂದಿಲೆಕ್ಕ  ಓಟು ಪಾಡುನ ಅವ್ಕಾಸ ಉಂಡು . ಎಂಕೇ ಓಟು ಕೊರ್ಲೆ ಪಂದ್ ಕೇನುನ ಅವ್ಕಾಸ ಓಟುಗು ಉಂತಿನಕ್ಲೆಗ್ಲಾ ಉಂಡು.

       ನಮ ನಮ್ಮ ಓಟುನು ನಮಕ್ ಬೋಡಾಯಿನಕ್ಲೆಗ್ ಪಾಡೊಡ್ಡ ದುಂಬು , ದುಂಬು ಪಿರ ತೂದು ಬೊಕ್ಕ ಮಸ್ತ್ ಆಲೋಚನೆ ಮಲ್ತ್,  ದೇಸೊದ ಬೊಕ್ಕ ನಮ್ಮಲಾ ನಮ್ಮ ಜೋಕ್ಲೆನಲಾ ಭವ್ಸ ತೂದು,  ಏರ್ ಊರು ಉದ್ಧಾರ ಮಲ್ಪುವೆರಾ,  ಜನಕ್ಲೆಗ್ ಸಾಯ ಆಪೆರಾ,  ಏರ್ ನಮ್ಮ ದೇಸೊನು ನನಲಾ ಎತ್ತರಗ್ ಕೊನೊಪೆರಾ ಅಕ್ಲೆಗ್ ಓಟು ಪಾಡೊಡು. 

     ಓಟು ಪಾಡ್ನಗ "ಆಯೆ ಕಾಸ್ ಕೊರಿಯೇ, ಇಂಬೆ ಪನ್ನೆಕ್ ಪಾಡಿಯೆ" ಪಂದ್ ಪನಂದೆ ತನ್ನೊಕ್ಕೆಡ್ ತನ್ಕ್ ದೇಸ ಉದ್ಧಾರ ಏರ್ ಮಲ್ಪುವೆರ್ ಪಂದ್ ತೋಜುಂಡ ಅಕ್ಲೆಗ್ ನಮ ಓಟು ಪಾಡೊಡು. ಅವು ಅತ್ತಂದೆ ಪೊಕ್ಕಡೆ ಏರಾ ಪಂಡೆರ್ ಪಂದ್ ಒಯಿಕಾ ಒತ್ತುಂಡ ದೇಸ ಮಿತ್ತ್ ಬರಂದ್ . ನಮ್ಮ ದೇಸೊಗು ಎಡ್ಡೆ ನಾಯಕ ನಕ್ಲೆನ್ ಆರಿಸವುನ  ಮಲ್ಲ ಜವಬ್ದಾರಿ ನಮ್ಮ ಮಿತ್ತ್ ಉಂಡು . ಅವೆನ್ ಸರಿಯಾಯಿನ ರೀತಿಡ್ ಬಳಕೆ ಮತ್ತೊನೊಡು. ಓಟು ಪಾಡ್ ಜಿಡ  ಗೊತ್ತಾಂತಿನ  ಜನಕುಲು ಬೊಡ್ಚಾಂದಿನಾಯಗ್ ಪಾಡ್ದ್ ಆಯನೇ ದೇಸ ಆಳುನ ಸಾಧ್ಯತೆ ಉಂಡು . ನಮ್ಮ ದೇಸ ನಮ್ಮ ಸೊತ್ತು. ಅವು ನಮ್ಮ ಕೈಟೇ ಇತ್ ದ್ ದುಂಬು ಎತ್ತರ ಬುಳೆವೊಡಾಂಡ ನಮ ಪೂರೆರ್ನ ಓಟು ಭಾರಿ ಮುಖ್ಯ.

  ನಮ ಪೂರ ನಮ್ಮ ಬೇಲೆನ್ ಬರಿಕ್ ದೀದ್ ನಮ್ಮ ದೇಸೋದ ಏಳ್ಗೆಗಾದ್ ಓಟು ಪಾಡ್‌ಗ ಆವಂದೇ ? ನಿಕುಲು ದಾದ ಪನ್ಪರ್? 

@ಹನಿಬಿಂದು@

24.04.2024