ಭಾವಗೀತೆ

ಭಾವ

ಭಾವಗೀತೆ

ಭಾವ ಮಂದಿರದಲ್ಲಿ ನಿನ್ನೊಲವ ಧ್ಯಾನವಿಲ್ಲಿ 

ನೋವ ತರದೇ ಇರಲಿ ಕಾಲವಿಲ್ಲಿ

ಜೀವ ನೋವಲಿ ಮಿಂದು ಆಗಿಹುದು ಪುಡಿಯಿಲ್ಲಿ

ಕಾವ ದೇವನು ನೋಡಿ ಹರಸಿ ಬಿಡಲಿ

ಜೇನ ಮಾತಿನ ನಡುವೆ ಹೃದಯ ಬಯಸಿಹುದಿಂದು 

ನೀ ಬಂದು ಜೊತೆ ಸೇರಿ ಬಾಳಬೇಕೆಂದು

ನೋವನೆಲ್ಲವ ಬಿಸುಟು ನಗೆಯ ಚಾದರ ಹೊದ್ದು

ಸಿಹಿ ಗೊರಕೆ ಹೊಡೆಯುವ ಕ್ಷಣವು ಬರಲೆಂದು

ಮುಗಿಲ ಮಲ್ಲಿಗೆ ಬಂದು ಮುಡಿಗೇರಲೆಂದು 

ತಾಳ ಲಯವೂ ಸೇರೆ ಸಮಯವೂ ಸಂಗೀತ

ಬಾಳ ಗೊಂಚಲಿನಲ್ಲಿ ಹೂವ ಪರಿಮಳವಿನಿತು

ಸಾಲು ಕಷ್ಟದ ಮುಂದೆ ನೀನು ಸುಖದಿನಿತ 

ನರ್ತಿಸುವ ಕಾಲಿಗಿದು ತನನ ತಕದಿಮಿತ

ಏಳು ಬಣ್ಣದ ಕಾಮನ ಬಿಲ್ಲಿನಂದವು ಇಲ್ಲಿ

ಮನದೊಳಗೆ ಸರಿದಾಡಿ ಉಸಿರ ಬೆಸೆದಿಲ್ಲಿ

ನೂರು ವರ್ಣದ ಹೂವ ಕಂಪು ತುಂಬಿಹುದಿಲ್ಲಿ

ಹಾರುತಿಹ ಬಾನಿಗೆ ಬೆಳಕ ಚೆಲ್ಲಿ

@ಹನಿಬಿಂದು@

17.12.2025