ಪಿಟ್ಟಿ ಕತೆ
ಸೈಯರೆ ಪೋನಗ
ಗೌರಿ ಬೇತೆಕ್ಲೆನ ಇಲ್ಲಲ್ ಬೇಲೆ ಮಲ್ತ್ ಬದ್ಕ್ ಸಾಗಿಸವೊಂದು ಇತ್ತಿನಾಲ್. ಕಂಡನಿ ಮೂಂಕು ಮುಟ್ಟ ಪರೊಂದು ಬತ್ ಆತ್ ಶೋಕುದ ಬೊಡೆದಿಗ್ ಪೆಟ್ ಪಾಡ್ನಗ ಏರೆಡಲ ಪನಿಯರೆ ಆವಂದೆ ಅಪ್ಪೆನ ಇಲ್ಲಡ್ ಪೋದು ಕುಲ್ಲೆರೆಲ ಆವಂದೆ ಇಲ್ಲ ಬುಡ್ದು ಪಿದಯಿದ ಇಲ್ಲಗ್ ಬೇಲೆಗ್ ಪೋಯೆರೆ ಸುರು ಮಲ್ತಲ್. ಮಲ್ಲಕ್ಲೆನ ಇಲ್ಲಗ್ ಪೋದು ಪಾತ್ರೆ ದೆಕ್ಕ್ದ್, ಕುಂಟು ಅರ್ದ್ದ್ ನೆಲ ಉರೆಸ್ದ್ ಕೊರುಂಡ ತಿಂಗೊಲುಗು ಐನ್ ಸಾರ ಕಾಸ್ , ಸೀರೆ, ಕುಂಟು, ವನಸ್ ಪೂರ ಕೊರೊಂದು ಇತ್ತೆರ್. ಅವ್ ಅಲೆನ ಜೋಕ್ಲೆನ ಕರ್ಚಿಗ್ ಆವೊಂದು ಇತ್ಂಡ್.
ಆಂಡಲಾ ಕಂಡನಿನ ಪೆಟ್ಟ್, ಪಗೆಲ್ ಇಡೀ ಬೆಂದ್ ಬತ್ತಿನ ಪೊನ್ನಗ್ ರಾತ್ರೆ ಆನಗ ಪರ್ದ್ ಪಾತೆರುನ ತಡೆಯಂದೆ ಒಂಜಿ ದಿನ ಸಯ್ಯರೆ ಪಂದ್ ಪೋಯಲ್. ಅಪಗ ಕೆರೆಕ್ ಲಾಗಿಗ ಪಂದ್ ಪೋಯಲ, ಕೆರೆತ ಬರಿಟ್ ಒಂಜಿ ಬೋರಿ ಪಡಿಕೆ ಮೈತೊಂದು ಇತ್ಂಡ್. ಅಡಿಟ್ ಒಂಜಿ ಪ್ಲಾಸ್ಟಿಕ್ ತೊಟ್ಟೆ ಇತ್ಂಡ್. ಪ್ಲಾಸ್ಟಿಕ್ ತೊಟ್ಟೆದ ಮಿತ್ ಬೂರುನ ಸೌಂಡ್ ಕೇಂದ್ ಗೌರಿ ಎನನ್ ಕೊನೊಯರೆ ಯೆಮೆ ಬತ್ತೆ ಪಂದ್ ಪೋಡಿದ್ ಪಾರ್ ಪೋದು ಇಲ್ಲದ ಉಲಯಿ ಕುಲ್ಯಲ್.
@ಹನಿಬಿಂದು@
03.01.2026
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ