ಪಿಟ್ಟಿ ಕತೆ
ಸಾಯ ಆವೊಡು
ರಕ್ಷಾಗ್ ದೇವೆರ್ ದಾಲ ಕಮ್ಮಿ ಮಲ್ದಿಜೆರ್. ದೇವೆರೆ ದಯೊಟ್ಟು ಪುಟ್ಟಿನ ಇಲ್ಲ ಬೊಕ್ಕ ಪೋಯಿನ ಇಲ್ಲ ರಡ್ ಕಡೆಟ್ಲಾ ಬೋಡಾಯಿನಾತ್ ಉಂಡು. ಪೊಪ್ಪ ಅಮ್ಮನಕ್ಲು ವಿದ್ಯೆ ಬುದ್ಧಿ ಕೊರ್ದು ಶಾಲೆ ಕಲ್ಪದ್ ಗವರ್ಮೆಂಟ್ ಬೇಲೆ ತಿಕ್ಂಡ್. ಮದಿಮೆ ಆದ್ ಕೈ ಪತ್ತಿನ ಕಂಡನಿ ರಾಕೇಶ್ಲ ಗವರ್ನೆಂಟ್ ಬೇಲೆದಾರೆ. ನನ ದಾದ ಕಮ್ಮಿ?
ಬೇಲೆ ಉಂಡು, ಸ್ವಂತ ಇಲ್ಲ ಬದ್ಕ್ ಉಂಡು, ಜಾಗೆ ಉಂಡು, ಪದ್ದಯಿ ಬಂಗಾರ್ ಉಂಡು, ನನ ದಾದ ಮಂಡೆ ಬೆಚ್ಚ? ರಡ್ಡ್ ಪೊರ್ಲಕಂಟ್ ಆಣ್ ಜೋಕುಲುಲಾ ಉಲ್ಲೆರ್. ಅಕುಲ್ಲಾ ಎಡ್ಡೆ ಕಲ್ತೊಂದು ಉಲ್ಲೆರ್.
ಆಂಡ ರಕ್ಷನ ಪಿಟ್ಟಾಸಿ ಗುನ. ಓಲು ದಾದ ಇತ್ಂಡಲ ಅಲೆಗೆ ಬೋಡು ಪನ್ಪಿನ ಆಸೆ. ಅಲ್ ಒಂಜಿ ಹಾಸ್ಥೆಲ್ಡ್ ವಾರ್ಡನ್. ಅಲ್ಪ ಜೋಕ್ಲೆಗ್ ಪಂದ್ ಬರ್ಪಿನ ತೆತ್ತಿ, ಕೋರಿ, ಸಾಮಾನ್, ಮೀನ್, ಪೌಡರ್, ಸಾಬೂನು ಪೂರಾ ರಕ್ಷಾನ ಇಲ್ಲಡೆ ಬತ್ ಅಕ್ಲೆಗ್ ನಾಲ್ ಜನಕ್ ಬೋಡಾಯಿನಾತ್ ದೀವೊನಿ ಬೊಕ್ಕ ಒರಿನ ಜೋಕ್ಲೆಗ್ ಪೋಪುಂಡು. ಕಂಡನಿ ಮಾಷ್ಟ್ರು. ಅರೆಗ್ ಬಾರಿ ಕುಸಿ. ತನ್ಕ್ ದಾಲ ಇಲ್ಲದ ಕರ್ಚಿದ ಮಂಡೆಬೆಚ್ಚ ಇಜ್ಜತ್ತಾ ಪಂದ್.
ಆಂಡ ದೇವೆರೆನ ಕನ್ ಕಟ್ಟಿನಾಯೆ ಏರ್ಲಾ ಇಜ್ಜಿ. ನಲ್ಪ ಒರ್ಸೊಡೆ ರಕ್ಷಾ ಬೊಕ್ಕ ರಾಲೇಶ್ ರಡ್ಡ್ ಜನಕ್ಲಾ ಸಕ್ಕರೆ ಕಾಯಿಲೆ ಒಟ್ಟಿಗೆ ಬಿಪಿ. ಅಂಚ ವನಸ್ ದಾಲ ತಿನಿಯರೆ ಇಜ್ಜಿ, ಸೀಪೆದಲ ಇಜ್ಜಿ, ಬೊಕ್ಕ ಪೂರ ನುಂಗೆಲ್ ಪರ್ಂದ್, ಚಪಾತಿ ಉಂದುವೆ.
ಇಪ್ಪುನಗ ನಾಲ್ ಜನಕ್ ನಮ ಸಾಯ ಆವೊಡು.
@ಹನಿಬಿಂದು@
10.01.2026
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ