ಮಲ್ಲ ಬಿನ್ನೆ
ಪಾರ್ ಬತ್ತ್ ಪಂಡಲಾಲ್ ಎಲ್ಯ ಬಾಲೆಯೆ
ಅಮ್ಮ ಬೇಗ ಬಲೇ ಇತ್ತೆ ಮೂಲು ತೂಲೆಯೆ
ದಾದ ಆಂಡ್ ಪಂದ್ ಯಾನ್ ಪೋಡ್ದ್ ಪೋಯೆಯೆ
ಬೇಗ ಬತ್ತ್ ತೂನಗಲ್ಪ ಮಲ್ಲ ಬಿನ್ನೆಯೆ//
ಎನನೆ ತೂದು ಅಂಚಿ ಇಂಚಿ ಮಂಡೆ ತಿರ್ಗಯೆ
ಈರ್ ಇತ್ತೆ ತೂಯರಾಂದ್ ಮೋನೆ ತೋಜಯೆ
ಪೋಡಿ ಪೋಯಿ ಯಾನ್ ದೂರ ಉಂತು ತೂಯೆಯೆ
ಆಯೆ ಬೇಗ ಪೋವಡ್ಂದ್ ನಮಲ ಕಾತಯೇ//
ಮಲ್ಲ ಬಿನ್ನೆ ಒವ್ವ ಎಲಿನ್ ಗಿಡ್ತೊಂದು ಬೈದಿನಿ
ಕೈಕ್ ತಿಕ್ಕಂದಿನೆಕ್ ಅಲ್ಪ ಕಂಡ್ ಕುಲ್ದಿನಿ
ಸಾಕಾದ್ ಆಯೆ ಅಲ್ಪ ಉಂತುದು ನೀರ್ ನಾಡ್ದಿನಿ
ನಮ್ಮ ಬಾಲೆ ಗೊಬ್ಬು ಗೊಬ್ಬುದು ಆಯನ್ ತೂಯಿನಿ//
ತೂದು ಆಲ್ ಪೋಡಿ ಪೋದು ನಮಕ್ ಪಂಡಿನಿ
ಬೂರ್ದು ಲಕ್ದ್ ಪಾರ್ ಬತ್ತ್ ನಮಕ್ ಪಂತಿನಿ
ನಮ ಆಯನ್ ತೂದು ಬಾಕಿ ಶೋಕುದ ಜಿಡೆಯೇ
ಬುಡ್ಪದಾಯೆ ಉಂತಿ ಪೊರ್ಲು ತೂದು ಮರ್ಲ್ಯಯೆ//
ಸೆಕೆಕ್ ಮಾತ ಜೀವಿಲೆಗ್ಲಾ ನೀರ್ ಬೋಡುಯೆ
ಕಾಡ್ ಇಜ್ಜಿ ತಲ್ಮೆನಿಜ್ಜಿ ಮಾತ ದೂಲುಯೆ
ಅಲ್ಪ ಅಲ್ಪ ನೀರ್ ದೀಕ , ಜೀವ ಬದ್ಕಡ್
ಯಾನ್ಲ ಈರ್ಲ ಮಾತ್ರ ಅತ್ತ್ ಮಾತ ಒರಿಯಡ್//
@ಹನಿಬಿಂದು@
14.02.2026
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ