ದಾಯೆ

ಜೋಕುಲ್ನ ಪದ

ಪನ್ಲೆ ಅಮ್ಮ....

ಅಮ್ಮ ಅಮ್ಮ ಪಗೆಲ್‌ಡ್ ಬತ್ತಿನ ಸೂರ್ಯ ದೇವೆರ್  ರಾತ್ರೆಡ್  ಓಡೆ ಪೋಯೆರ್?

ರಾತ್ರೆಡ್ ಮೊರಣಿ ಇಡಿಯಿತ್ತಿನ ಚಂದ್ರ ದೇವೆರ್ ಇನಿ ದಾಯೆ ಅರ್ದ ಆಯೆರ್? 

ಅಮ್ಮ ಅಮ್ಮ ಪನ್ಲೆಂಕ್ಕ್ ಇತ್ತೆನೆ ಇರೆಕ್ಕುಲು ದಾಯೆ ಪಚ್ಚೆ? 

ಪಕ್ಕಿದ ಲೆಕ್ಕ ರೆಂಕೆಲ ಇಜ್ಜಿ ಪಾರುಜಿ ದಾಯೆ ನಮ್ಮ ಪುಚ್ಚೆ? 

ಅಮ್ಮ ಅಮ್ಮ ಬೇಗ ಪನ್ಲೆ ನಾಯಿಗ್ ದಾಯೆ ಬೀಲ?

ದೊಡ್ಡ ಕೋಡೆ ಪನೊಂದು ಇತ್ತೆರ್ ಆಯಗ್ಲಾ ಬರ್ಪುಂಡು ಕಾಲ... 

ಅಮ್ಮ ಅಮ್ಮ ರಾಪಿನ ಪಕ್ಕಿ ತಿರ್ತ್ ಬೂರುಜಿ ಎಂಚ?

ದೇವೆರ್ ಮಿತ್ತ್ ಉಲ್ಲೆರ್‌ಗೆತ್ತ ರಾನಗ  ತೋಜ್ಜೆರ್  ಇಂಚ? 

ಅಮ್ಮ ಅಮ್ಮ ಎಂಕ್ ಗೊತ್ತಿಜ್ಜಿ ಕಾಯಿ ಕಜಿಪು ನಮ ದಾಯೆ ತಿನೊಡು?

ಮಾತ ಎನ್ನ ಪ್ರಶ್ನೆಗ್ ಈರ್ ಜಲ್ದಿಡ್ ಉತ್ತರ ಕೊರೊಡು..

@ಹನಿಬಿಂದು@ 

07.08.2026