ಮತ್ತೆ ಬರಲಿ

ಮತ್ತೆ ಬರಲಿ

ಅಮ್ಮನ ಕೈಯಲಿ ಎಣ್ಣೆಯ ತಿಕ್ಕಿಸಿ

ತೊಡೆಯಲಿ ಕುಳಿತು ಸ್ನಾನವ ಮಾಡುವ

ಮುಗ್ದ ಮನದ ಸ್ನಿಗ್ಧ ನಗುವಿನ

ಬಾಲ್ಯವು ಮತ್ತೆ ನಮಗೆ ಬರಲಿ..

ನಾಯಿಗೂ ಬೆಕ್ಕಿಗೆ ಬೇಧವನರಿಯದೆ

ನಿಶ್ಕಲ್ಮಶ ಪ್ರೀತಿಯ ತೋರುತ ಬದುಕುವ

ಆಟವನಾಡುತ ಪ್ರೀತಿಯ ಪಡೆಯುವ

ಸುಂದರ ಬಾಲ್ಯವು ಮತ್ತೊಮ್ಮೆ ಬರಲಿ..

ಕಿಲಕಿಲ ನಗುವಲೆ ನೋವನು ಮರೆಸುವ

ಬಲಾಬಲ ತೋರದೆ ನೆಮ್ಮದಿ ಉಳಿಸುವ

ಆಗಿನ ಬೇನೆಯ ತಕ್ಷಣ ಮರೆಯುವ

ಹೂವಿನಂಥ ಬಾಲ್ಯವು ಮತ್ತೆ ಬರಲಿ..

ನಗುವಿಗೂ ಅಳುವಿಗೂ ಅಂತರ ತಿಳಿಯದ

ಗೆಳೆಯ ಶತೃವಿನ ಗೊಂದಲ ತಾರದ

ಮಾತಾ ಪಿತೃಗಳೆ ದೇವರು ಎನುವ

ಮಂದಾರ ಬದುಕು ಮತ್ತೊಮ್ಮೆ ಬರಲಿ..

@ಪ್ರೇಮ್@

26.08.2020