ಪಾಪ
ತಟ್ಟೆಯಲ್ಲಿ ತಿನ್ನಲಿಕ್ಕಾಗಿ ಅನ್ನ ಕಾಯುತ್ತಿದೆ ಪಾಪ!
ನಾನು ಮೊಬೈಲ್ ನೋಡುವುದರಲ್ಲೇ ತಲ್ಲೀನ!
ಹಂಡೆಯಲ್ಲಿ ಬಿಸಿನೀರು ನನ್ನ ಮೈ ತೊಳೆಯಲೆಂದು ಕಾಯುತ್ತಿದೆ ಪಾಪ!
ನಾನು ಸಾಮಾಜಿಕ ಕಾಲ ತಾಣಗಳಲ್ಲಿ ಮಗ್ನ!
ಹಟ್ಟಿಯಲ್ಲಿ ದನಕರು ಹಸಿದು ನನ್ನ ಕಾಯುತ್ತಿವೆ ಪಾಪ!
ಸಂದೇಶಗಳ ಓದುವುದರಲ್ಲಿಯೇ ನಾನು ಬ್ಯುಸಿ!!
ಒಲೆಯ ಮೇಲಿಟ್ಟ ಹಾಲು ಕುದ್ದು ಉಕ್ಕುತ್ತಿದೆ ಪಾಪ!
ಕತ್ತಲೆಯ ಕೋಣೆಯಲಿ ಕುಳಿತ ನನ್ನ ಕಣ್ಣು ಜಂಗಮಗಂಟೆಯ ಮೇಲೆ!
ತೊಟ್ಟಿಲಲಿ ಮಗು ಅಳುತ್ತಿದೆ ಹಸಿದು ಪಾಪ!
ನಾನಂತೂ ಹಲವು ಸ್ನೇಹಿತರ ಹುಟ್ಟುಹಬ್ಬಕ್ಕೆ ಹರಸಿ ಆಶೀರ್ವದಿಸ ಬೇಕಲ್ಲವೇ?
ಕಾಯುತಿಹರು ಹಲ್ಲು, ಸೊಂಟ, ತಲೆ, ಬೆನ್ನು, ಕೈ ಕಾಲು ನೋವಿನ ಜನ ಸಾಲುಗಟ್ಟಿ ಪಾಪ!
ವೈದ್ಯ ನಾನು ಗೆಳೆಯನೊಂದಿಗೆ ಸುಖ ಕಷ್ಟದ ಮಾತುಕತೆಯಲ್ಲಿ ಇರುವೆನಲ್ಲ!
ಅರ್ಧ ಹೆಚ್ಚಿದ ತರಕಾರಿ, ಸಾರಿಗಾಗಿ ಕಾದು ಕುಳಿತಿಹರು ಮನೆಮಂದಿ ಪಾಪ!
ನಾನು ಅಪ್ಲೋಡ್ ಮಾಡುತಿಲ್ಲವೇ ಫೋಟೋಗಳ ಮುಖಪುಟಕ್ಕೆ!!
ಚಹವದು ಲೋಟದಲಿ ಕುಳಿತು ತಣ್ಣಗಾಗಿ ಹೋಗುತಿಹೆನು ಬಾ ಕುಡಿ ಎನುತಿದೆ ಪಾಪ!
ನಾನೇ! ನನ್ನ ಹೊಸ ಪ್ರೇಯಸಿಯ ಮುದ್ದಿನ ಮಾತುಗಳೊಳಗೆ ಸೇರಿ ಹೋಗಿ ಮೂಲೆಯಲಿ ಕುಳಿತು ಮಾತನಾಡುತ್ತಿಲ್ಲವೇ?
@ಪ್ರೇಮ್@
19.06.2021
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ