ತುಳು

ಆಟಿ 

ಆಟಿ ತಿಂಗೊಲು ಬತ್‌ದಾಂಡ್ ಕೂಡು ಕಟ್ಟ್ ಇಜ್ಜಿಯೇ

ತೌತೆ ಪದ್ಪೆ ಮೂಂಡಿ ಕೇನೆ ತಿಕ್ಕುಲೆಕ್ಕ ತೋಜ್ಜಿಯೇ

ಕುಕ್ಕು ಪೆಲಕಾಯಿ ಮುಗಿತ್ಂಡ್ ಅವ್ಲ ನನ ಕಾಲಿಯೇ 

ಪಗ್ಗು ಬೇಸ ಕಾರ್ತೆಲಾಂಡ ತಿನೊಲಿ ಪಜ್ಜಿ ಪಜ್ಜಿಯೇ//

ಸೇವು ಕನಿಲೆ ತಜಂಕ್ ಮಾತ್ರ ಇತ್ತೆ ನಮ್ಮ ಬಾಯಿಗ್

ಪತ್ರೊಡೆತ್ತ ರುಚಿಯೇ ಬೇತೆ ಬರೊಡು ನೀರ್ ನಾಲಯಿಡ್

ಪರ್ಬ ಪಾಡ್ಯ ಪೂರ ಬಂದ್ ಇರಿಯಕ್ಲೆಗ್ ಬಲಸೊಡು

ಪೊಸತ್ ಕುಂಟು ಕನಯರಿಜ್ಜಿ ಮದ್ರೆಂಗಿಲ ಪಾಡ್ಯರಿಜ್ಜಿ//

ಕಂಡ ತೋಟ ದತ್ತ್ ಬಿತ್ತ್ ಪೂರ ಆಂಡ್ ಇತ್ತೆಗೆ

ಪಂಡ ಪೂರ ಸುಕೊನೆ ಇಜ್ಜಿ ಬರ್ಸ ಬಾರಿ ಕಮ್ಮಿಗೆ

ನಟ್ಟಿ ನೇಜಿ ಮಾತ ಮಲ್ತ್ ಕಾಸ್ ಇಜ್ಜಿ ಕೈಟ್‌ಗೆ

ಅಂಚ ಮೆಲ್ಲ ಕಾಡ ತಿನಸ್ ತಿಂದ್ ಒಂತೆ ಬದ್‌ಕ್‌ಗೆ//

@ಹನಿಬಿಂದು@

03.07.2026