1412. ನಾಯಿಮರಿ

ಮುದ್ದು

ಮುದ್ದು ಮುದ್ದು ನಾಯಿಮರಿಯ ಸಾಕುತಿರುವೆನು

ಅದರ ಪ್ರೀತಿಯಿಂದ ನಾನು ಖುಷಿಯ ಪಡುವೆನು..

ಸ್ನಾನವದಕೆ ನಿತ್ಯ ಬೇಕು

ಹಸಿರು ತರಕಾರಿ ಬೇಡ

ತುಂಡು ಮೀನು ಮಾಂಸ ಮೊಟ್ಟೆ

ಹಾಲು ಬೇಕು, ಹಣ್ಣು ಬೇಡ. 

ಊಟದಲ್ಲು ಬಹಳ ಶಿಸ್ತು

ತಟ್ಟೆ ಜಾಗ ಸ್ವಚ್ಛ ಬೇಕು

ತನ್ನ ತಟ್ಟೆಯಲ್ಲಿ ಬೇರೆ ನಾಯಿಗಳಿಗೆ ಜಾಗವಿಲ್ಲ

ತನಗೆ ಮಾತ್ರ ಮೀಸಲಲ್ವ..

ಪ್ರೀತಿಯೆಲ್ಲ ತನಗೇ ಬೇಕು

ಮಕ್ಕಳನ್ನ ಮುದ್ದು ಮಾಡ್ಲೇ ಬಾರ್ದು

ವಾಸ್ತವದಿ ತಾನೇ ಮಗುವು

ಸರ್ವರದನು ಮುದ್ದಾಡಬೇಕು..

ಜಿಮ್ಮಿ ನಾಯಿ ಬಹಳ ಜೋರು

ಬಿಡದು ಯಾರ ಬರಲು ಒಳಗೆ

ಪೇಪರೊಂದು ಕಟ್ಟು ನೋಡೆ

ನೆನಪಾಗುವುದು ಕಬಾಬ್ ಅದಕೆ..

@ಪ್ರೇಮ್@

28.05.2020