ಕಸುವು ಬೇಕು
ಕಂದಕವೇಕೆ ಕನ್ನಡ ಕಂದನೆ
ಕುಂದದಿರು ಕಪ್ಪಿನ ಕಳೆಯಲ್ಲಿ!
ಕಂದೀಲಿನ ತೆರದಿ ಕಲೆಯುತಲಿ
ಕುಂದದೆ ಕನಸನು ಕಟ್ಟುತಿರು!
ಕೊಂದುಬಿಡು ಕೆಟ್ಟತನದ ಕಸವ
ಕೆಂದಾವರೆ ಕೆನ್ನೆಯಲಿರಲಿ ಕಂಪು
ಕೂದಲ ಎಳೆಯಲು ಕಲಿಯುತಿರು
ಕೈಂಕರ್ಯವ ಕಟ್ಟಿ ಕದಲದಿರು..
ಕೋಪವ ಕೆಸರಲಿ ಹೂತುಬಿಡು
ಕೆಲಸ ಕಾಯಕ ಕಲಿಯುತುರು
ಕನಸಲು ಕಸಿಯುವ ಕಾರ್ಯವನು
ಕವಲಾಗಿಸಿ ಕಿತ್ತೆಸೆಯುತಿರು..
ಕೂಗದೆ ಕುಂದದೆ ಕುಸಿಯದೆ
ಕರಗದೆ ಕನಲದೆ ಕನವರಿಸದೆ
ಕತೃವು ಬಾಳಕಡಲನು ಕಳಿಸಲಿಲ್ಲ
ಕುಳಿತುಂಡರೆ ಆಗದು ಕಸುವ ಕರಗಿಸಬೇಕು
ಕಷ್ಟ ಪಟ್ಟವ ಕನಸಲೂ ಖುಷಿ ಪಡುವ..
ಕೋಶವ ಕರಗಿಸಿ ಕಲಿತಿರಬೇಕು
ಕೋಣೆ ಕೋಣೆಗೂ ತಿರುಗಿರಬೇಕು
ಕೂಸನು ಸಂಬಾಳಿಸೋ ತಾಳ್ಮೆಯು ಬೇಕು
ಕರಗದ ನಿಧಿಯಂಥ ಗುಣವಿರಬೇಕು..
@ಪ್ರೇಮ್@
11.05.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ