ಅಲ್ಲಿ...ಇಲ್ಲಿ...
ಅಲ್ಲಿ ಅರಳಿದೆ ಹೂವು ಇಲ್ಲಿ ಕರಗಿದೆ ನೋವು!
ಅಲ್ಲಿ ಸುಮನ ನಗುತಿದೆ, ಇಲ್ಲಿ ನಯನ ಅಳುತಿದೆ!!!
ಬಣ್ಣ ಬಣ್ಣದ ಪುಟಿಯುವಿಕೆ ಅಲ್ಲಿ
ಸಣ್ಣ ಸಣ್ಣ ಚುಚ್ಚುವಿಕೆ ಇಲ್ಲಿ!
ದುಂಬಿ ಚಿಟ್ಟೆಗಳ ಝೇಂಕಾರ ಅಲ್ಲಿ
ಮಂದಿ ನಡುವೆಯೂ ಕಣ್ಣೀರು ಇಲ್ಲಿ!
ಹಸಿರ ಹುಲ್ಲು ಎಲೆಗಳ ಖುಷಿ ಅಲ್ಲಿ
ಬಸಿರ ಹೊರ ಹಾಕುವಂಥ ನೋವಿಲ್ಲಿ!
ಎಲೆ ತುದಿಯ ಹೂ ಮೇಲಿನ ಹನಿಬಿಂದು ಅಲ್ಲಿ
ಮನದಾಳದ ಸುಖ ದುಃಖಗಳ ಹನಿ ನೀರು ಇಲ್ಲಿ!
ನೈಸರ್ಗಿಕ ಚಿಲಿಪಿಲಿಯ ಸುಂದರ ತಾಣ ಅಲ್ಲಿ,
ಕೈಚಳಕದಿ ಬದುಕ ನಡೆಸಲಾರದ ಕಷ್ಟಗಳು ಇಲ್ಲಿ..!
ನೋಟವಿರಲು ನೋಡುತಿರಲು ಬೇಕೇನಿಸುವುದಲ್ಲಿ ,
ನೊಂದಿರುವ ಕಾದಿರುವ ಹನಿಗಣ್ಣು ಇಹುದಿಲ್ಲಿ..!
ಬಾಳ ರಥ ನಾಣ್ಯದ ಒಂದು ಮುಖ ಅಲ್ಲಿ!
ಹಣದೊಡನೆ ಓಡುತಲಿ, ಸಂಕಟ ಪಡುವಂಗ ಇಲ್ಲಿ..!!
@ಪ್ರೇಮ್@
25.11.2021
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ