ಗುರಿ ಇರಲಿ

ಗುರಿ ಇರಲಿ

ಬಾನಿಗೂ ಭೂಮಿಗೂ ಅಂತರ ಎಲ್ಲಿದೆ

ದಿಗಂತದ ಸಾಲಿನ ಮಡಿಲಲ್ಲಿ?

ಬೋಜನ ಪ್ರಿಯನಿಗೆ ನೆಮ್ಮದಿ ಎಲ್ಲಿದೆ

ಮೂರು ಗೇಣಿನ ಉದರದಲಿ?

ತಿಂದಷ್ಟು ಬೇಕು ಇನ್ನೂ ಬೇಕು

ಹೊಸರುಚಿ ನಿತ್ಯವು ಹುಡುಕುತಲಿ!

ಸರ್ವರ ಮರೆತು ಸ್ವಾರ್ಥದಿ ತಾನು

ಮೆಲ್ಲುತ ನಗುವಲಿ ನಲಿಯುತಲಿ!

ಮೇಲೆ ಕೆಳಗೆ ಇದ್ದರೂ ಮನವು

ತಾನೇ ಶ್ರೇಷ್ಠ ಎನ್ನುತಲಿ , 

ಧರೆಯೇ ಬೇರೆ ಗಗನವೇ ಬೇರೆ

ಹಿಡಿಯಲು ಸಿಗದು ನಭವಿಲ್ಲಿ!

ಅರಿಯಲು ಬೇಕು ತನ್ನಯ ಕಾಯಕ

ತಿನ್ನುವುದೊಂದೇ ಬದುಕಲ್ಲ!

ಏಳು ಬೀಳುಗಳ ಜೀವನ ಪಥದಲ್ಲಿ

ಗುರಿಯನು ಮರೆತು ಬಾಳಿಲ್ಲ !!

@ಹನಿಬಿಂದು@

03.06.2024