ತುಳು ಗಝಲ್

ಗಝಲ್ (ತುಳು)

ಬೇನೆ ತಿನ್ಪಿನ ಮನಸ್ ದೇವೆರ್ ಪೊಣ್ಣಗಾದೇ ಕೊರ್ತಿನ 

ನೇನೆ ದಾಲ ಇಜ್ಜಿ ನೆಟ್, ಬೇನೆಗ್ ಆಲಾದೇ ಬೂರುನಾ 

ಬದ್ ಕ್ ಪಂಡ ಯಾನ್, ಎನ್ನ  ಮಾತ್ರ ಅತ್ತಾ ಏಪಲಾ

ನಮ, ನಮಕ್ ಪನ್ಪಿನ ಯೋಚನೆ ಅಲೆನವಾದೇ ಇಪ್ಪುನಾ

ಮೆಗ್ಯೆ ಪಲಯೆ ಅಮ್ಮೆರ್ ಕಂಡನಿ ಅಜ್ಜೆರ್ ದೋಸ್ತಿಲು ಉಲ್ಲೆರ್

ಮಾನ ಪೋನಗ ದ್ರೌಪತಿಲಾ ದೇವೆರೆನ್ ಲೆಪ್ಪೊಡಾದೇ ಬತ್ತಿನಾ

ಇಡೆ ಬೈದಿನಿ ಒರಿಯೆ ಕಡೆಕ್ ಪಿರ ಪೋಪಿನಿಲಾ ಒರಿಯೆ 

ನಾಲ್ ದಿನೊತ ಕುಸಿಕ್ ನಮ ತ್ಯಾಗ ಮಲ್ತ್ ದೇ ಬದುಕುನಾ

ಮೋಕೆ, ಪ್ರೇಮ, ಸತ್ಯ, ನೀತಿ, ನಿಯಮ ಮಾತೆರೆಗ್ಲ ಒಂಜೇ

ಪನಿ ಬರ್ಸದ ಲೆಕ್ಕನೇ ಮಾತಾ ದಿನಲ ನಲಿತೊಂದೇ ಬೂರುನಾ

@ ಹನಿಬಿಂದು@

27.05. 2024