ಗಣಪನ ಸುಗಿಪು
ಬೂರೊಂದೆ ಅಡ್ಡ ಬೂರೊಂದೆ
ಇರೆನ ಪಾದೊಗು ಗಣಪ //
ಕೇನೊಂದು ಎಡ್ಡೆ ಕೇನೊಂದು
ಸರ್ವರೆ ಬಾಳ್ ಗ್ ಮದಿಪು//
ಸುರುತ ಪೂಜೆದ ದೇವರ್ ಈರ್
ಎಡ್ಡೆ ಬುದ್ಧಿನ್ ಕೊರ್ಪಿನಾರ್
ಪಪ್ಪ ಅಮ್ಮನೇ ಪ್ರಪಂಚ ಪಂದಿನ
ಮಲ್ಲ ಮನಸ್ ದ ದೇವರ್ ಈರ್ //
ಆನೆದ ಮೋನೆ ಎಲಿಲ ವಾಹನ
ಉಚ್ಚುನು ಬಂಜಿಗ್ ಸುತ್ತೊಂದು
ಚಂದ್ರನ್ ತೂಂಡ ಚೌತಿದ ದಿನಟ್
ಅಪವಾದೊಲು ನಮಕ್ ತಪ್ಪಂದ್ //
ಗಣಕ್ ಲೆ ಅಧಿಪತಿ ಕೆಬಿಕುಲು ಮಲ್ಲ
ಪಂಡಿನ ಕೇನ್ ಲೆ ಪನ್ಪಿ ಆದೇಶ
ಸೀಪೆ ತಿಂಡಿದ ಆಸೆ ಇರೆಗ್ ಲಾ
ಕೈಟ್ ಪತ್ಯರ್ ಪಾಶ ಅಂಕುಶ //
ಶಿವ ಪಾರ್ವತಿನ ಮೋಕೆದ ಮಗೆಲ
ಸುಬ್ರಹ್ಮಣ್ಯನ ಅಣ್ಣೆಗೆ ಮೇರ್ ಲ
ಸರ್ವೆರ್ ಒಟ್ಟಾದ್ ಕೇನಿನ ವರೊನು
ಕೊರ್ಪಿನ ದೇವೆರೆ ಕಾಪೊಡು ನನಲ
@ಹನಿಬಿಂದು@
08.09.2024
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ