ಚಳಿಯ ಕಚಗುಳಿ

ಜಡೆಗವನ

ಚಳಿಯ ಕಚಗುಳಿ

ಚಳಿಯೇ ನೀನೆಲ್ಲಿದ್ದೆ ನನ್ನ ಎಬ್ಬಿಸಿ ತಟ್ಟಲು

ತಟ್ಟುತ್ತಾ ಮಲಗಿಸಿದರೂ ತಾಯಿ ಚಳಿ ಬಿಡದು

ಬಿಡದೆ ಕಾಡುತಿಹೆ ನೀ ನನ್ನ ಬೇತಾಳನಂತೆ ಇಂದು 

ಇಂದಿಲ್ಲಿ ನಾಳೆ ಅದೆಲ್ಲಿಗೆ ನಿನ್ನ ಸವಾರಿ ದೊರೆಯೇ

ದೊರೆ ಮಗನೂ ಹೆದರುವನು ನಿನ್ನೀ ಆರ್ಭಟಕೆ

ಆರ್ಭಟ ಮಿಂಚು ಮಳೆ ಗುಡುಗಿಲ್ಲದೆ ನೀ ಕೊರೆವೆ

ಕೊರೆದು  ಗಡ್ಡ ಮನ ಮೈ ಕೈಯ ನಡುಗಿಸುವೆ

ನಡುಗುವ ಕೈಗಳಿಂದ ನಾನೆಂದೂ ಬರೆಯಲಾರೆ

ಬರೆಯಬಿಡು ಚಳಿಯೇ ನೀ ದೂರ ಓಡಿಬಿಡು

ಓಡುತ್ತಾ ಹೋದೇಯ ಮತ್ತೆ!  ಸ್ವಲ್ಪ ಇಲ್ಲೇ ಇರು ಬಿಸಿಲ ಧಗೆ ತಾಳಲಾರೆ

ತಾಳು ತಾಳು ಮಳೆಯೂ ಬೇಕು, ನೀನೂ ಬೇಕು

ಬೇಕಾಗಿರುವುದು ಏಕೆಂದರೆ ಗಿಡ ಮರಗಳ ಹೂವು ಅರಳಿಸಿ ಹಣ್ಣು ತರಿಸಲು!!!

@ಹನಿಬಿಂದು@

01.12.2025