ಆಲ್

ಆಲ್

ಉಂಗಿಲ ಇಜ್ಜಾಂದಿ ಬಿರೆಲ್ ಅವು

ಬೀಡಿ ಕಟ್ಟೊಂದು ಕುಲ್ದುಂಡು

ಇರೆ ಬಗ್ಗಾದ್ ಪುಗೆರೆ ಪಾಡ್ ದ್

ಅವೆನ್ ಸುರುಂಟುದು ಅಂಗೈಟ್ ಪಾಡ್ ದ್

ರಡ್ ಸುತ್ತು ನೂಲು ಪಾಡ್ ದ್ ಪೀಂಟಾದ್

ಸೂಪುದ ಬರೀಟ್ ದೀದ್

ರಾಶಿ ಆನಗ ಇರುವತ್ತ ಐನ್ ಬೀಡಿ

ಲೆಕ್ಕ ಮಲ್ತ್ ಕಟ್ ಕಟ್ ದ್ ದೀದ್

ಬೊಕ್ಕ ಕಟ್ ತಿರ್ಗಾದ್ ಸರಿ ಮಲ್ತ್ ದೀದ್

ಎಡ್ಡೆ ಬೀಡಿಳೆನ್ ಪೂರಾ ಪಿದಾಯಿ ದೀದ್

ಶೋಕು ತೋಜು ಲೆಕ್ಕ ಸೈಜ್ ಮಲ್ತ್

ಜೋಕ್ಲು ಶಾಲೆಗ್ ಪೋಯ್ ಕೂಡ್ಲೆ

ಅವೆನ್ ಪತೊಂದು ರಾಂಪಣ್ಣನ ಬ್ರೇಂಚಿಗ್ ಕೊರ್ದು

ಬತ್ತಿನ ವಾರದ ಕಾಸ್ ಡ್ ಅರಿ ಸಾಮಾನ್ ಇಲ್ಲಗ್ ಕಂತ್

ಜೋಕ್ಲೆಗ್ ರಡ್ ಶೋಕುಡೆ

ನುಪ್ಪು ಬೈಪಾದ್ ಶೋ

ಕಜಿಪು ಮಲ್ತ್ ಕೊರ್ಕ ಪನ್ನಗ

ನಾಲ್ ಜನ ಬಿನ್ನೆರ್!

@ಹನಿಬಿಂದು@

11.04.2023