ಕಾರಣ
ಸ್ವರ್ಗದ ಮದುವೆಯ ಭೂಮಿಗೆ ಬರಲು
ಬದಲಾಯಿತು ಈಗ ಹೇಗೆ?
ಭೂಮಿಯ ಮೇಲಿನ ಮನುಜರ ಪಾಪ
ಕೊಡವನು ತುಂಬಿಸೋ ಹಾಗೆ
ಒಳ್ಳೆಯ ಕಾರ್ಯಕ್ಕೆ ಜನರದು ಬರಲು
ಹರಸಿ ಆಶೀರ್ವಾದ ಮಾಡಿ
ನಾಲ್ಕು ದಿನಗಳ ಬಳಿಕ ನೋಡಲು
ಅತ್ತೆ ಮಾವನ ಮೋಡಿ
ನಾದಿನಿ ಅತ್ತಿಗೆ ಎಲ್ಲರೂ ಕೂಡಿ
ಬಂದ ಹೆಣ್ಣಿಗೆ ಕಷ್ಟ
ಜೀವವ ತೆಗೆದರು ಹೊರಗೆ ಬಿಸಾಡಿ
ತವರು ಮನೆಗದೋ ನಷ್ಟ
ಯಾರದೋ ಹೆಣ್ಣನ್ನು ಮನೆಗದು ತಂದು
ಹೀಗೆ ಮಾಡುವುದು ಸರಿಯೇ
ಆಸೆ ಆಕಾಂಕ್ಷೆ ಕನಸು ನನಸು
ಆಕೆಗೂ ಇಹುದು ಅಲ್ಲವೇ?
ಹೆಣ್ಣಿನ ಮನವನು ಅರಿಯದ ಗಂಡಗೆ
ಸ್ವರ್ಗದಲ್ಲಿ ಏಕೆ ನಿಶ್ಚಯ
ನೋವನ್ನು ಕೊಟ್ಟು ನಗುವ ಹೃದಯಕ್ಕೆ
ಆಗಲಿ ನೋವಿನ ನಿಶ್ಚಯ..
@ಹನಿಬಿಂದು@
04.12.2023
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ