ಗಝಲ್

ಗಝಲ್

ನಮ್ಮ ಬದ್‌ಕ್‌ದ ಬಿಲೆ ನಮಕ್ ಗೊತ್ತಾವೊಡು 

ಬೇತೆಕ್ಲೆನಲಾ ಬಂಜಿದ ಬಡವು ಜನಕ್ ಗೊತ್ತಾವೊಡು

ಬಾರಿ ಮಲ್ಲ ಮಲ್ಲ ಪಾತೆರುನಕ್ಲು ಉಲ್ಲೆರ್

ಒರಿನಕ್ಲೆನ ಬೇನೆ, ಅಕ್ಲೆನ ಪಿರಾಕ್ ಗೊತ್ತಾವೊಡು

ನಡತಿನಾಯನ ಬಂಙ ಕುಲು ತಿನ್ಪಿನಾಯಗ್ ಗೊತ್ತಿಜ್ಜಿ 

ಅಪ್ಪೆ ಮಟ್ಟೆಲ್ದ ಬೇಜಾರ್ ಉಡಲ್ದ ಕಲೊಕ್ ಗೊತ್ತಾವೊಡು

ಬಿತ್ತ್ ಪಾಡ್ದ್ ಮಲ್ಲ ಮಲ್ತ್ ಬೇತೆಕ್ಲೆಗ್ ತಿನ್ಪಾವೆ ಬೆನ್ಪಿನಾಯೆ

ನಡುತ ಬೇಲೆದ ಸಗ್‌ತಿ ಪರ ಕೈಕ್ ಗೊತ್ತಾವೊಡು

ಪನಿ ಬರ್ಸೊದ ಕಾಪು ಕಂಡೊದ ಮನ್ನ್‌ಗ್ ಮಾತ್ರನಾ 

ಬರ್ಸ ಬೂರುನ ಕಜ್ಜ ಮಾನಿಲೆ ತರೆಕ್ ಗೊತ್ತಾವೊಡು..

@ಹನಿಬಿಂದು@

27.04.2026