ಮರ್ಮಲ್

ಮರ್ಮಲ್

ಪೊಸತ್ ಬತ್ತಿನ ಮರ್ಮಲ್ ಕೇಂಡಲ್ 

ಮಾಮಿಯೆ ಎನ್ನ ಜಾಗೆ ಓಲು 

ಕಂಡನಿ ಬೊಡೆದಿ ಪೊಸ ಮದ್ಮಯೆ ಮದಿಮಲ್

ಕುಲ್ಲೆರೆ ಕುಸಿಟ್ಟ್ ಓಲಾವು?

ಮಾಮಿಗ್ ಬತ್ತ್ಂಡ್ ಮಾಮಲ್ಲ ಕೋಪ

ಕುಸಿಟ್ ಕುಲ್ಲೆರೆ ಬೈದಲ್ ಇಡೆ

ಬೆನ್ನಿದ ಬೇಲೆ ಕಾತ್‌ದ್ ಕುಲ್ದುಂಡು

ಕುಲ್ಲುನ ಕಾಲ ಮುಗಿದಾಂಡ್

ಕೋಪೊಡೆ ಪಂಡಲ್ ಮಾಮಿ ಅಲೆಗ್

ಪಿರವುಡು ಬೈಪನೆ ಉಂಡತ್ತ

ಪೋದು ಕುಲ್ಲುಲೆ ಕಾಂಡೆಡ್ದ್ ಬಯ್ಯಗ್

ಬೈ ಪಾಡಿ ನೀರ್ ಪಾಡಿ ಬೊರಿದ್ ಬುಡಿ

ಉತ್ತರ ಬತ್ತಿನ ಗೊತ್ತಾಂದಿ ಮದಿಮಲ್

ಬೈಪನೆ ತೂತಿನ ಪೊಣ್ಣತ್ತ್ 

ಬೈಪನೆ ಪಂಡ ಪೊಸತೊಂಜಿ ಕೋನೆ 

ಪಂದಾಲ್ ಎನ್ಯಲ್ ಕುಸಿ ಪಡೆದ್

ಕಂಡನಿ ಬನ್ನಗ ಸುರುಕ್ಕು ಪಂಡಲ್

ಬೈಪನೆ ಓಲು ನಿಕಲ್ನಲ್ಪ

ದೀಯರೆ ಬೋಡು ಎನ್ನ ಪೊಸ ಕುಂಟು

ತೋಜವರ  ಎಂಕ್ ಅವೆನೊರ ಮುಲ್ಪ

ದಾದಂದ್ ಅರ್ತನೆ ಆವಂದಿ ಕಂಡನಿ 

ಕನ್ನ್ ಬಾಯಿ ಬಾಯಿ ಬುಡ್ದು ತೂಯೆ

ಬೈಪನೆ ದಾಯೆಗ್ ಮೋಕೆದ ಬೊಡೆದಿ

ಇಲ್ಲದ ಉಲಯೆ ದೀವೊಲ್ಯತ್ತ..

ಇತ್ತೆ ಕನ್ನ್  ಕನ್ನ್ ಬಾಯಿ ಬಾಯಿ 

ಬುಡ್ಪಿನ ಬೇಲೆ ಮರ್ಮಲ್ನ

ಅಡೆಗೆ ಬತ್ತಿನ ಮಾಮಿ ಕೇಂದ್

ಮಾಮುಡ ಪಂದ್ ತೆಲ್ತೆರ್ಗೆ..

@ಹನಿಬಿಂದು@

05.06.2026