1490. ಜೋಗುಳದ ಹಾಡು

ಜೋಗುಳ ಹಾಡು

ಲಾಲಿ ಲಾಲಿ ಜೋಜೋ ಕಂದ

ನನ್ನ ಮುದ್ದು ಬಂಗಾರ ಅಂದ...

ಕಣ್ಣು ಮುಚ್ಚಿ ನಗುವುದಾನಂದ

ಕರವ ಹಿಡಿದ ಆಟಾನೇ ಚಂದ..

ಲಾಲಿ..ಲಾಲಿ.ಜೋ.ಜೋ.ಕಂದ

ಕೆಂಪು ತುಟಿಯ ಮೇಲೆ ಖುಷಿಯು

ಅಮ್ಮ ಬರಲು ಕಾಣೋ ತವಕವು

ಮುಗ್ಧ ನಗುವ ಮಿಂಚಿನ ಸೆಳೆತವು

ಸ್ನಿಗ್ಧ ಮನದ ರೋಚಕ ಒಲವು

ಲಾಲಿ.ಲಾಲಿ..ಜೋ.ಜೋ.ಕಂದ

ಅಳುವ ನಾಟಕದ ಮುದ ಚೆಲುವು

ಊಟ ಮಾಡದೆ ಓಡೋ ಹಠವು

ಎದ್ದು ಬಿದ್ದು ನಡೆಯೋದು ತಾಳ್ಮೆಯು

ಗುದ್ದು ಮುದ್ದು ಎಲ್ಲಾ ಪ್ರೀತಿಯು

ಲಾಲಿ ಲಾಲಿ..ಜೋ.ಜೋ ಕಂದ

ಅಮ್ಮನಂತೆ ಪ್ರೀತಿಯ ಗುಣವು

ಅಪ್ಪನಂತೆ ಕೋಪದ ದೃಷ್ಠಿಯು

ಚಂದ್ರನಂಥ ಹೊಳೆವ ಆ ಮೊಗವು

ಸೂರ್ಯನಂತೆ ಬೆಳಕೀವ ಆ ನಗುವು

ಲಾಲಿ ಲಾಲಿ ಜೋ ಜೋ ಕಂದ

@ಪ್ರೇಮ್@

20.07.2020