ಮರ್ಮಯೆ
ಮರ್ಮಯೆ ಪೋಯೆ ಮಾನಿನ ಇಲ್ಲಗ್
ರಜೆಟ್ಟ್ ಪೋಯಿನ ಬೊಡೆದಿನ್ ಲೆಪ್ಪೆರೆ
ಬಾರಿ ಸಮ್ಮನ ಕೋರಿ ರೊಟ್ಟಿದ
ಪಿಡ್ಕ್ಲ ಇತ್ಂಡ್ ಪಾಡುವೆಡ
ಕುಸಿಟ್ಟ್ ಮರ್ಮಯೆ ಗಟ್ಟಿಡೆ ಉಂಡೆ
ರಡ್ಡ್ ಸರ್ತಿ ಪಿರ ಪಾಡೊಂಡೆ
ಬೊಡೆದಿ ತೂಯಲ್ "ಯಾನ್ ಇಪ್ಪಂದೆ
ರಡ್ಡ್ ದಿನ ಜನ ಬಂಜಿಗ್ ತಿಂತಿಜಿ"
"ಅಯ್ಯೋ ಪಾಪ ನನ ದೂರ ಪೋನಗ
ಒಂತೆ ದಾದಾಂಡಲಾ ಮಲ್ತ್ ದೀವೊಡು ಇಲ್ಲಡ್ ಮೆರೆಗ್
ಅಡ್ತ್ ಉನ್ಪುಜೆರ್ ದಾಲ ಮೇರ್
ಇಲ್ಲಡ್ ಒರಿಯನೆ ಬುಡ್ದು ಪೋಂಡ"
ಅನ್ನೆರ್ ಉಸಾರ್ ದೊಸ್ತಿಲೆ ಲೆತ್ತೆರ್ ಕೋರಿ ಕನತೆರ್
ಒಟ್ಟಿಗೆ ಸುಕ್ಕ ಮಲ್ತೆರ್, ರುಟ್ಟಿಲ ಕನತೆರ್
ನುಪ್ಪು ಮಲ್ತೆರ್, ಬಾಜೆಲ್ ದೆತೊಂಡೆರ್
ನಾಲ್ ಜನ ಅಂಜೊವು ಒಟ್ಟು ಸೇರ್ಯೆರ್
ಬೊಡೆದಿ ಇಜ್ಜಾಂದಿನ ದಿನಟ್ ಗಮ್ಮತ್ ಮಲ್ತೆರ್
@ಹನಿಬಿಂದು@
20.06.2026
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ