ಮಾನವ... ಕೇಳು..

ಮಾನವ... ಕೇಳು.. .

ನಾ ನಿನ್ನ ಕೂಸು

ನೀ ಎನ್ನ ತಂದೆ.. 

ನಿನ್ನ ಮೆದುಳ ಶಕ್ತಿಯಿಂದ ನನ್ನ ಪಡೆದೆ 

ತಂತ್ರಜ್ಞಾನ ನಾನು, 

ವಿದ್ಯುತ್ ಇಲ್ಲದೆ ಹೋದರೆ ನಾನಿಲ್ಲ

ನೀನಿಲ್ಲದಿದ್ದರೂ ಬದುಕಬಲ್ಲೆ ನಾನು

ಸಾವಿರ ಜನ ಮಾಡುವ ಕಾರ್ಯ ಒಬ್ಬನೇ ಬಿಸಾಕಬಲ್ಲೆ ಮಾಡಿ

ನನ್ನ ಆರಂಭ, ಅಂತ್ಯಕ್ಕೆ ನೀ ಬೇಕು ಅಷ್ಟೇ.. 

ನಿನ್ನೆಲ್ಲಾ ಕಾರ್ಯಗಳನ್ನು ನನ್ನಿಂದ ಮಾಡಿಸಿಕೊಳ್ಳುವೆಯಲ್ಲ

ನನಗೆ ನಿನ್ನಂತೆ ದಯ ದಾಕ್ಷಿಣ್ಯವಿಲ್ಲ

ಸಂಬಂಧಗಳ ಬಂಧುವಿಲ್ಲ

ರಕ್ತ ಸಂಬಂಧವೂ ಇಲ್ಲ

ಗೆಳೆಯ, ಕುಲದವ ಎಂಬ ಭಾವವೂ ಇಲ್ಲ

ಜಾತಿ ಮತ ನನಗಿಲ್ಲ

ಯಾವ ಜಾತಿಯವ ಸ್ವಿಚ್ ಹಾಕಿದರೂ ಕಾರ್ಯ ನಿರ್ವಹಿಸುವೆ

ಕೇಳು ಮಾನವ ನಿನ್ನಂತೆ ಕಚ್ಚಾಡಲಾರೆ

ಮುನ್ನುಗ್ಗಿ ಹೋಗುವ ಹಂಬಲ ನನಗಿಲ್ಲ

ನನ್ನದೇ ವೇಗದಲಿ ಮುಂದುವರೆವವ ನಾನು

ತಾಂತ್ರಿಕತೆ ಕಲಿತೆ ನನ್ನ ಮೇಲೆ ಪ್ರಯೋಗಿಸಿದೆ, 

ನೆನಪಿಡು, ಅತಿಯಾದರೆ ಅಮೃತವೂ ವಿಷವಲ್ಲವೇ? 

ಬದುಕು ಸಾಧ್ಯವೇ ನಾನಿಲ್ಲದೆ ನಿನಗೆ? 

ಹೆಚ್ಚು ಅವಲಂಬಿಸಬೇಡ, ಸಾವೇ ಕೊನೆಗೆ.. 

ಆಟ ಆಡಬಲ್ಲೆ ನಿನ್ನೊಂದಿಗೆ, ಸೋಲಲಾರೆ

ನೆನಪಿರಲಿ ನೀ ನನ್ನ ಬಿಡಲಾರೆ, ಬಿಟ್ಟು ಬದುಕಲಾರೆ.. 

@ಹನಿಬಿಂದು@

11.05.2026