ಗಝಲ್

ಗಝಲ್

ನಿನ್ನೊಲವ ಮೂಟೆಯನು ಬರಿದಾಗಿಸದಿರು ಮನವೇ

ನನ್ನುಸಿರ ಉಸಿರಿಗೆ ಉಸಿರಾಗಿರು ಮನವೇ.. 

ಪ್ರೀತಿಯ ದಾಹದಲಿ ಹಂಬಲಿಸುವ ಹಸಿದ ಹೊಟ್ಟೆಗಳೆಷ್ಟೋ.. 

ಪ್ರೇಮದಲಿ ಅರಳಿದ ಹೂವು ಬಾಡದಿರು ಮನವೇ.. 

ನೋವ ಕಳೆದು ಹಿತ ನೀಡುವ ಔಷಧ ಅಕ್ಕರೆ

ಕಾವು ಕೊಟ್ಟು ಸದಾ ಕಾಪಾಡುತಿರು ಮನವೇ

ನದಿಯ ತಟದಲಿ ನಿಂತು ನೀರಿಗೆ ಕಲ್ಲೆಸೆಯುವ ಕಾರ್ಯ ಸಾಗದಿರಲಿ

ಕದಿಯ ಬಂದಿರುವೆ ಹೃದಯ, ಮುಚ್ಚಿಡದಿರು ಮನವೇ

ಹನಿ ಹನಿಯ ಆಸೆಯಲಿ ಬರಡಾದ ನೆಲದ ದನಿ ಇದು 

ಹನಿಬಿಂದುವಿನ ಬದುಕಿನಲಿ ನಲಿವ ಕನಸು ಮುದುಡದಿರು ಮನವೇ.. 

@ಹನಿಬಿಂದು@

06.05. 2026