ಗಣಪಣ್ಣೆ ಬತ್ತೆರ್
ಬಾರಿ ಗೌಜಿಡ್ ಜನ ಮಾತ ಲೆತ್ತೆರ್
ಪುಟ್ಟು ಪರ್ಬಗ್ ತಿಂಡಿ ಮಾತ ಮಲ್ತೆರ್!
ಪರಿಮಳ ಬನ್ನಗ ತಡೆಯರಾವಂದೆ ಗಣಪಣ್ಣೆ ಬತ್ತೆರ್!
ಬತ್ತಿನರೆನ್ ತೂದುಲಾ ಏರ್ಲಾ ಉಲಯಿ ಲೆತ್ತಿಜೆರ್//
ಬಡವುಡಿತ್ತಿ ದೇವೆರಾರ್ ತ್ರಿಶೀಲ ಪತ್ತ್ ದುಂತಿಯೆರ್,
ಯೇಸ್ ಪಾಡ್ದ್ ಬತ್ತಿನಕುಲುಂದು ಅರಿನ್ ಕೊರುದು ಪೋಯೆರ್!
ಜೋಕ್ಲು ಪಾರ್ ಬತ್ ಅರೆನ ಕೈಟ್ ಪತ್ಯೆರ್!
ಚಿಂಟುಡಿತ್ತಿ ಮೋಂಟು ಪಂದ್ ಬಾರಿ ಖುಷಿಟ್ ಗೊಬ್ಯೆರ್!
ಅಮ್ಮನಕುಲು ಅಜ್ಜಿನಕುಲು ಧಾರಾವಾಹಿಡ್ ಮುರ್ಕೆರ್!
ಮಾಮನಕುಲು ಅಂಕಲ್ ನಕುಲು
ಕ್ರಿಕೆಟ್, ಮೊಬೈಲ್ಡ್ ಕಳೆಯೆರ್!
ಗಣಪೆ ತೂದು ಬೇಜರಾದ್
ಅಮ್ಮ ಪಪ್ಪನೊರ ಲೆತ್ತೆರ್!
ತೂಲೆ ಮೊಕ್ಲೆ ಗೊಬ್ಬು ಪೂರ
ಬೇಲೆಡಿಜ್ಜಿ, ತೂಪಿನೈಟೆ ಪಂಡೆರ್!!
ಕಲಿಯುಗ ಉಂದು ಬಾಲೆ ಕೇನ್ಲೆ
ಪಿಲಿ ಬತ್ತ್ಂಡಲ ಜನ ಲಕ್ಕಯೆರ್!
ಮೊಬೈಲ್ ಪನ್ಪಿ ಮೆಷಿನ್ ತೂನಗ
ಬೊಕ್ಕ ದಾಲ ಜನ ಕೇನಯೆರ್!
ಸರಿಯಾಯರೆ ಪಾಕ ಪೊರ್ತು ಉಂಡು,
ಪೂರ ಆರೋಗ್ಯ ಕಳೆವೊನೊಡು
ನಿದ್ರೆ ಉಣಸ್ ದಾಲ ದಾಂತೆ
ನಿತ್ರಾಣಾದ್ ಅಕುಲು ಬೂರೊಡು..
ಜಾತಿ ಜಾತಿ ಪಂದ್ ದೂರ್ದ್ ಬರೆದ್ ಪಾಡುನಕ್ಲೆಗ್
ಪ್ರವಾಹ ಕೊರ್ದು ಬೊಲ್ಲ ಪೋದು
ಪೂರ ಮರತ್ ಒಟ್ಟಾವಡ್ ಒರ!
ಇಜ್ಜಿ ಆಂಡ ಜಾತಿ ಪಂದ್ ಪೆಟ್ ಪಾಡೊಂದು ಸೈತೆರ್ಂದಾಂಡ!!
@ಪ್ರೇಮ್@
02.09.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ