ಬೇನೆದ ಬೇಜಾರ್
ಮನಸ್ ದ ಪಾತೆರ
ಬರವುಡು ಬನ್ನಗ
ಬೇನೆ ಕೆಲವೆರೆಗ್
ಹಗುರ ಕೆಲವೆರೆಗ್..
ಬೇನೆ ಮಲ್ತಿನಾಯಗ್
ಬೇನೆ ಆವಂದ್ ಏಪಲಾ..
ದಾಯೆಂದ್ ಕೇನುವರಾ..
ಬೇನೆ ಮಲ್ಪಿನಾಯಗ್
ಬೇನೆ ಕೊರ್ಪಿನನೇ ಬೇಲೆ,
ಬೇನೆ ಬೇಜಾರ್ ದ ನರ
ಆಯಗ್ ದೇವೆರ್ ಕೊರ್ತೆರಾ..
ಯಾನ್ ಲಾ ಬರೆಪೆಂದ್
ಬೇತೆ ಜನಕ್ ಲೆ ಬೇನೆಗ್
ಉಪ್ಪು ಪಾಡ್ ದ್
ಉರಿಪಾಯಿನ ಲೆಕ್ಕ
ಬರೆಪಿನ ಸರಿಯಾ?
ಏರೆಗ್ ಲಾ ಬೇನೆ ಬೊರ್ಚಿ
ಬೇನೆ ಬೇಜಾರ್ ನ್ ಕೊರಂದೆ,
ತೆಲಿಕೆ ಕೊರ್ಪಿನ ಬೇನೆ ಬರಡ್,
ನಮ್ಮ ಬರವು
ತೂಕ ಆವಡ್...
ಮನಸ್ ದ ಬೇನೆ
ಕರಗ್ ದ್ ಪೋವಡ್!
ಬೇನೆ ಕೊರಿನಾಯಗ್ ಲಾ
ಬೇನೆದ ಬೇನೆ ತಟ್ಟಡ್
ಬೇನೆದ ಅರಿವಾಯಿನ ಆಯಗ್
ದೇವೆರ್ ಎಡ್ಡೆ ಬುದ್ಧಿ ಕೊರಡ್..
ನಮನ್ ಮಿತ್ತ್ ದೆರ್ತಿನಕ್ಲೆಗ್
ಕೈ ಜೋಡ್ತ್ ನಮಿಪುಗ!
ನಮನ್ ತಿರ್ತ್ ಪಾಡಿನಾಯನ
ಕಾರ್ ಪತ್ತ್ ಒಯ್ಪುಗ!
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ