1429. ಹೀಗ್ಮಾಡ್ಬೇಕಿದೆ

ಹೀಗ್ಮಾಡ್ಬೇಕಿದೆ

ಶುಚಿಯಾದ ಗಾಳಿಯನು ಬಳಸೋಣ ನಾವೆಲ್ಲ

ಸುಂದರವು ನಮ್ಮಯ ಪರಿಸರವು

ನೆಲ ನೀರು ಮಣ್ಣನ್ನು ಉಳಿಸೋಣ ಜಗಕೆಲ್ಲ

ಬೆಳೆಸುವ ಗಿಡಮರವ ಪ್ರತಿನಿತ್ಯವು..

ಮನೆಯೊಳಗೆ ಸ್ವಚ್ಛತೆಯು ಬೇಕಾಗಿದೆ

ಮನದೊಳಗೆ ಸೌಂದರ್ಯ ಬರಬೇಕಿದೆ

ರಾಸಾಯನಿಕವ ಸುರಿಯುತ್ತ ಇಂದು

ನೆಲಜಲವು ಹಾಳಾಗಿ ಬಾಯ್ಬಿಟ್ಟಿದೆ..

ಮನೆಗೊಂದು ಮರವನ್ನು ನೆಡಬೇಕಿದೆ

ಮಕ್ಕಳಿಗೂ ಪಾಠವನು ಕಲಿಸ್ಬೇಕಿದೆ

ನೀರನ್ನು ಉಳಿಸೋ ಊಟವನು ಬಳಸೋ

ಕೆಲಸವನು ನಾವೆಲ್ಲ ಮಾಡ್ಬೇಕಿದೆ..

ತಿಮ್ಮಕ್ಕನ್ ನೋಡಿ ನಾವ್ ಕಲಿಬೇಕಿದೆ

ಗಿಡಗಳಿಗೆ ಸ್ವಾತಂತ್ರ್ಯ ಕೊಡ್ಬೇಕಿದೆ

ಮನುಜನೇ ಮೆರೆದು ಮರವೆಲ್ಲ ಕಡಿದು

ತಾನೇ  ಮೇಲೆಂಬುದ ಬಿಡ್ಬೇಕಿದೆ..

@ಪ್ರೇಮ್@

22.04.2020