1454. ಮೀನುಗಾರರ ಹಾಡು

ಮೀನುಗಾರರ ಹಾಡು

ಜಂಜನಿರೋ ಜಂಜನಿರೋ ಜೈ ಜೈ ಜೈ

ಜಂಜನಿರೋ ಜಂಜನಿರೋ ಜೈ ಜೈ ಜೈ

ಕಡಲ ಕಂದರಣ್ಣ ನಾವು ಕಡಲ ಮಕ್ಕಳಣ್ಣ

ಕಡಲ ಮೀನೇ ದೇವರಣ್ಣ ಕಡಲೆ ನಮ್ಮ ತಾಯಿಯಣ್ಣ...

ಸೂರ್ಯ ನಮ್ಮ ಸುಡುವನಮ್ಮ ಗಾಳಿ ಬೀಸಿ ಕರೆವುದಣ್ಣ.

ಕಡಲ ತಡಿಯೆ ತಾಣವಣ್ಣ ನೆಮ್ಮದಿಯ ತರುವುದಣ್ಣ..

ಮುಂಜಾನೆದ್ದು ತೆಪ್ಪ ಹಿಡಿದು 

ಬಲೆಯ ಬೀಸಿ  ಮೀನು ಹಿಡಿದು

ಬೆವರನೆಲ್ಲ ಒರೆಸಿ ತೆಗೆದು

ಮೀನನೆಲ್ಲ ದಡಕೆ ಎಸೆದು

ನಮ್ಮ ಕಾರ್ಯ ಮಾಡುವ

ತೆರೆಯ ಮೇಲೆ ಸಾಗುವಾ ಜೈಜೈಜೈ..

ಸಮುದ್ರದ ತೆರೆಗಳ ನೋಡೋಣಾ..

ಹಾಡುತ ಮುಂದೆ ಸಾಗೋಣ..

ಸಂಜೆಯವರೆಗೆ ದುಡಿಯೋಣ..

ಊರನು ತಲುಪುತ ನಲಿಯೋಣ ಜೈಜೈಜೈ..

ಸಾಗರ ಮಾತೆಗೆ ನಮಿಸುತಲಿ

ಚಂದಿರನೆಡೆಗೆ ನೋಡುತಲಿ

ಕಲ್ಪವೃಕ್ಷದ ನೀರನು ಕುಡಿಯುತಲಿ

ದಡದಲಿ ನಲಿದು ಕುಣಿಯುತಲಿ

ಸರ್ವ ಸುಸ್ತನು ಮರೆಯೋಣ ಜೈಜೈಜೈ..

@ಪ್ರೇಮ್@

17.06.2020