ನಮಗಲ್ಲ
ಉಳ್ಳವರು ತಮಗಾಗಿ ಕಟ್ಟಿಹರು ಮಹಲಿನಂಥರಮನೆ,
ಬರುವರು ಹೋಗುವರು ಜನರನೇಕರು ಸುಮ್ಮನೆ!
ಮೋಜಿಗಾಗಿ, ಆಸೆಗಾಗಿ, ಪ್ರೀತಿಗಾಗಿ! ಅವರಿಗೆಲ್ಲ!
ಈ ಅರಮನೆ ಏನಿರದ ನಮಗಲ್ಲ!
ತುತ್ತು ಕೂಳಿಗೂ ಮುತ್ತಿನಂಥರಸುವೆವು!
ಕತ್ತು ಕೊಯ್ದರೂ ಕೋಟಿ ಸಿಗಲಾರದು!
ಸುತ್ತಿ ಬಳಸಿ ಕೆಲಸ ಹುಡುಕುವುದೇ ಕೆಲಸ!
ಈ ಅರಮನೆ ಏನಿರದ ನಮಗಲ್ಲ!
ಇಂದಿನದು ಇಂದು ನಾಳೆ ನಾಳೆಗೆ!
ಯಾರಲೇನಿದ್ದರೇನು? ನಮ್ಮ ದುಡಿತ ನಮಗೆ!
ಮಳೆ ಚಳಿಯ ಲೆಕ್ಕಿಸದೆ ಬದುತಿಹೆವಲ್ಲ,
ಈ ಅರಮನೆ ಏನಿರದ ನಮಗಲ್ಲ!
ಮೋಸ ವಂಚನೆ ತಿಳಿಯದು ನಮಗೆ
ಕಷ್ಟಪಟ್ಟು ದುಡಿಯುವೆವು ಕೊನೆಯವರೆಗೆ
ಬಾಳಿ ಬದುಕಲು ಭೂಮಿಯಿಹುದು ವಿಶಾಲ
ಈ ಅರಮನೆ ಏನಿರದ ನಮಗಲ್ಲ!
ದುರಾಸೆಯ ಬಿಸಿಲು ಕುದುರೆಯೇರಿ ಹೋಗಲಿಲ್ಲ ನಾವು,
ಬಂದರೆ ಬರಲಿ ಇಂದೇ ನಮಗೆ ಸಾವು!
ಬದುಕುವಷ್ಟು ದಿನ ಪ್ರೀತಿಯಿಂದ ಬದುಕಬೇಕಲ್ಲ,
ಈ ಅರಮನೆ ಏನಿರದ ನಮಗಲ್ಲ!
@ಪ್ರೇಮ್@
30.05.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ