1464. ಮುರಳಿ

ಮುರಳಿ

ಮುರಳಿಯ ಹಿಡಿದಿಹ ರಮಣನೆ ಕೇಳೋ

ಮರೆಯದೆ ನೆನಪಿಸು ನಿತ್ಯವು ತಾಳೋ

ಸರಿಸಮ ಯಾರಿಹರು ನಿನಗೆ ಹೇಳೋ

ಮರೆಯದೆ ಸಂಜೆಗೆ ಹೂವನು ತಾರೋ..

ಪರಿಪರಿ ಬೇಡಿಕೆ ಮಾತನು ನೆನಪಿಡು

ಸರಿಸುತ ಪರದೆಯ ಬಂದೆನು ನೋಡೋ

ಪಿರಿಪಿರಿ ಮಾಡೆನು ಪ್ರೀತಿಯ ನೀಡೋ

ತರತರ ಒಲವಿನ ರಾಗವ ಹಾಡೋ..

ನಲಿವಿಗು ಗೆಲುವಿಗೂ ನೀನಿರೆ ಜೊತೆಯಲಿ

ಒಲವಿನ ಗೆಳೆಯನೆ ಮೈಮನವ ಮರೆಯುವೆ

ಗೆಳೆಯನೆ ಬಳಿಯಲಿ ನೀನೇ ಇರಲು

ಮಳೆಯಲು ಮರೆಯುವೆ ನನ್ನನೆ ನಾನೂ..

ಮುರಳಿಯೆ ನಿನ್ನಯ ಪ್ರೇಮದ ದಿಟ್ಟಿಗೆ

ಮರೆವೆನು ಜಗವನೆ ನಿತ್ಯವು ನಿನ್ನೊಡೆ

ಸರಿಸದೆ ಪ್ರೀತಿಯ ಸತತವು ಜತೆಗಿರು

ನರನಾಡಿಗಳಲಿ ನಿನ್ನದೆ ನೆನಪಿವೆ...

@ಪ್ರೇಮ್@

06.06.2020