ಹೀಗೊಂದು ರಾತ್ರಿ
ಅದೊಂದು ರಾತ್ರಿ. ಪ್ರತಿದಿನದಂತೆ ಗೆಳೆಯರೊಂದಿಗೆ ಮೂವತ್ತರ ಸವಿ ಸವೆದು ಮನೆ ಕಡೆ ಹೊರಟಿದ್ದೆ. ಮಳೆಗಾಲವಾದ ಕಾರಣ ರಸ್ತೆಯೆಲ್ಲಾ ಕೆಸರು.ಪದ್ಮಕ್ಕನ ಮನೆಯಲ್ಲಿ ಗಾಡಿಯಿಟ್ಟು ನಮ್ಮ ಮನೆಯ ಸಣ್ಣ ಓಣಿಯಲ್ಲಿ ಸಾಗುತ್ತಿದ್ದೆ. ಪಕ್ಕದ ರಾಜಣ್ಣನವರ ಮನೆಯಲ್ಲಿ ದೊಡ್ಡ ಗಲಾಟೆ ಸದ್ದು ಕೇಳಿ ಬರುತ್ತಿತ್ತು.ಮನೆಯೊಳಗಿನ ಜಗಳ ನಾನೇಕೆ ನಡುವೆ ಹೋಗಬೇಕೆಂದು ಕೊಂಡರೂ..ದೊಡ್ಡ ಧ್ವನಿಯಿಂದ ಅಳು.. ಚೀರಾಟ..ಲಬ್ಬೆ ಹೊಡೆದುಕೊಳ್ಳುವುದು ಜಾಸ್ತಿಯಾದ ಕೂಡಲೇ ಮನ ತಡೆಯದೆ ಅಲ್ಲಿಗೆ ಓಡಿದೆ. ಕೈ ಕಾಲು ನಡುಗುತ್ತಿದ್ದರೂ ಮನದೊಳಗೆ ಧೈರ್ಯವಿತ್ತು.
ನೋಡಿದರೆ ಅಲ್ಲೇನು...ಕಂಠ ಪೂರ್ತಿ ಕುಡಿದು ಬಂದಿದ್ದ ರಾಜಣ್ಣನನ್ನು ಹೆಂಡತಿ ರಂಜಿನಿ ಮನೆಯಿಂದ ಹೊರ ಹಾಕಿದ್ದಳು. ರಾಜಣ್ಣ ಅಳುತ್ತಾ ಗಲಾಟೆ ಮಾಡುತ್ತಿದ್ದರು. ಕಿಟಕಿಯಲ್ಲೆ ಗಲಾಟೆ ನಡೆಯುತ್ತಿತ್ತು. ರಾಜಣ್ಣನ ತಲೆಗೆ ಒಂದು ಕೊಡ ನೀರೂ ಸುರಿಯಲಾಗಿತ್ತು! ನಿತ್ಯ ಅವರ ಕಾಟ ತಡೆಯಲಾರದ ರಂಜಿನಿ ಸರಿಯಾಗೇ ಕ್ಲಾಸ್ ತಗೊಂಡಿದ್ದಳು. ಒಳ್ಳೆ ಕೆಲಸವೆಂದು ಮನೆ ಕಡೆ ದಾರಿ ಹಿಡಿದೆ....
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ