1438. ಕಾತರ

ಸ್ಪರ್ಧೆಗೆ

ಬಂದನೊ ಇನಿಯನು!

ಬಾಗಿಲ ಬಳಿಯಲೆ ಬಾಗುತ ಬಂದಿಹೆನು

ವೇಗದಿ ನಲ್ಲನ ಕಾಯುತ ನಿಂದಿಹೆನು

ಬರುವನೊ ಬಾರನೋ ಬದುಕಿನ ರಾಜನು

ಬರುವನು ಕಾಯುತ ಬಂದಿಲ್ಲಿ ನಿಂತೆನು..

ಭೋಜನಕಾಗಿ ಬಾಗಿತು ಸಮಯವು

ಬಹುಮನ ಭಯದಿ ಕಾಯುತ ಕುಳಿತೆವು

ಒಡೆಯನು ಬರದಿರೆ ಏಕದು ಈ ತರ

ಒಡನೆಯೆ ಬರುವೆನು ಎನುತಲಿ ಹೋದವ..

ಬಾಳಿನ ಬಳ್ಳಿಗೆ ಆಸರೆಯಾದವ

ಬಂದನೋ ಈಗಲೇ ಭರದಲಿ ಭಾವ

ಬರದಲಿ ಬರದು ಬಿರುಸಿನ ವರ್ಷವು

ಭಯವಿದೆ ಭುಜದಲಿ,ಬೇಸರ ಮನದಲಿ..

ಭೃಂಗದ ರೆಕ್ಕೆಯ ಹೊದ್ದು ತಾ ಬರುವನು

ಬಯಲಲಿ ಓಡುತ ಬದುಕಲಿ ಬರುವನು

ಬೆಡಗಿನ ಕುವರನು ಬಂದೇ ಬರುವನು

ಬರಲದು ಬಂಧವ ಬಿಡಿಸುತ ಬೆರೆವನು..

@ಪ್ರೇಮ್@

18.06.2020