ನಾ ಬಾಗಿರುವೆ
ಪ್ರಕೃತಿ ನಿನ್ನೊಲವಿಗೆ ನಾ ಧನ್ಯ
ಅಂದದಿ ಕಾದವ ಸದಾ ಮಾನ್ಯ
ನೀನಿದ್ದರೆ ನನ್ನ ಜತೆ ಜಗಮರೆವೆ
ನಿನ್ನ ಕಾಲ್ಕೆಳಗೆ ನನ್ನ ತಲೆಯಿಡುವೆ...
ಹೆಣ್ಣಾಗಿಹೆ ನೀನು ಜಗಕೆ ಮಡಿಲು
ಸರ್ವರ ಹೊತ್ತಿಹುದು ನಿನ್ನೊಡಲು
ಸೂರ್ಯ ಚಂದ್ರ ನಿನ್ನ ಅಕ್ಷಿಗಳು
ಗಿಡಮರದ ಹಸಿರೇ ನಿನ್ನುಡುಗೆಗಳು..
ಆರಾಧಿಸುವೆ ಮನಮಂದಿರವನು
ತೊರೆದು ಅದೇನನೂ ನಾ ಕಾಣೆನು
ಬುದ್ಧಿ ಬಂದಿಹುದೆನಗೀಗ ಸ್ವಲ್ಪ
ನಿನ್ನನುಳಿಸದೆ ನಾನುಳಿಯೆ , ಅಲ್ಪ!
ಕೈಹಿಡಿದು ನಡೆಸೆನ್ನ ನೀ ಮಾಯೆ
ನನ್ನ ನಾ ಅರ್ಪಿಸಿಹೆ ನೀ ಕಾಯೆ!
ಸೂರ್ಯ ಚಂದ್ರರೆ ಸಾಕ್ಷಿ ಒಲವಿಗೆ
ಕೆಂಬಣ್ಣದ ಗುಲಾಬಿ ನಮ್ಮ ಪ್ರೀತಿಗೆ!
@ಪ್ರೇಮ್@
11.06.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ