ಬರೆದಿಡಿ
ಓದುತಿಹೆ ಹಲ ಕವನಗಳ ಚುಟುಕು ಹಾಯ್ಕುಗಳನೆಲ್ಲ
ಒಂದಕ್ಕಿಂತ ಮತ್ತೊಂದು ಅದ್ಭುತ ಭಾವಗಳಿಗೆ ಕೊರತೆಯಿಲ್ಲ
ತುಳು ಕನ್ನಡ ಮಲಯಾಳಂ ಆಂಗ್ಲದಲೂ ಬರೆಯಬಲ್ಲೆವಲ್ಲ
ಗೀಚುವ ಮನದಂತೆ ಓದುವ ಮನಗಳನೂ ಸಂತಸ ಪಡಿಸುವೆವಲ್ಲ...
ಒಂದೊಂದು ವಿಶೇಷವೇ ಪ್ರತಿ ಕವನ ಸಾಲುಗಳಲಿ
ಒಂದು ಕಷ್ಟ ವಿವರಿಸಿದರೆ ಮತ್ತೊಂದು ಸಫಲ ನಗೆಯುಕ್ಕಿಸುವುದರಲಿ
ಮಗದೊಂದು ಹೊರಬಂದಿಹುದು ಷಟ್ಪದಿಯ ರೂಪದಲಿ
ಬದುಕ ತಿರುಳ ಉಸುರಿಹುದು ಹಾಯ್ಕು ಹದಿನೇಳು ಅಕ್ಷರಗಳಲಿ..
ಮೇಲಿಂದ ಮೇಲೆ ಉಪಯೋಗಿಸುವಾಗ ಕೈಲಿದ್ದ ಮೊಬೈಲ
ಗಮನ ತುಂಬಾ ಇರಲಿ ನಿಮ್ಮ ಪುಟ್ಟ ಕಣ್ಗಳ ಮೇಲೆ
ಬೆಳಕು ಹೊಡೆಯುವುದು ನೇರವಾಗಿ ದೃಷ್ಟಿಗೆ
ಮಂಜು ಮಂಜಾಗುವುದು ನೋಡ ನೋಡುತ್ತ ಕಣ್ಣಿಗೆ
ಸಾಮಾಜಿಕ ಜಾಲ ತಾಣಗಳೆಂದೂ ಸುರಕ್ಷತೆಯಲ್ಲ
ಬರೆದಿಟ್ಟಿರಿ ನಿಮ್ಮ ಸಾಹಿತ್ಯವನೆಲ್ಲ
ಒಂದು ದಿನ ಡಿಲೀಟ್ ಆಗಬಹುದು ಎಲ್ಲವೂ
ಕಾಗದ ಲೇಖನಿಯೇ ಕವಿ ಮನದ ಸ್ವತ್ತಲ್ವಾ?
@ಪ್ರೇಮ್@
18.06.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ