1442. ಮರೆಯಲುಂಟೆ ಜಗದಲಿ

ಮರೆಯಲುಂಟೆ ಜಗದಲಿ

ಅಮ್ಮ ನಿನ್ನ ಮೊದಲ ಮುತ್ತು

ಮೊದಲ ತುತ್ತು ಮೊದಲ ಪಾಠ

ಮೊದಲ ನೋಟ ನನ್ನ ಹಠ

ಮರೆಯಲುಂಟೆ ಜಗದಲಿ?

ನಿನ್ನ ನಗು ನನ್ನ ಅಳು

ನಿನ್ನ ಸಹನೆ ನನ್ನ ಬವಣೆ

ನಿನ್ನ ತಾಳ್ಮೆ ನನ್ನ ರೋಷ

ನಿನ್ನ ಪ್ರೀತಿ ನನ್ನ ನೀತಿ 

ಮರೆಯಲುಂಟೆ ಜಗದಲಿ..

ನಿನ್ನ ಮುದ್ದು ಮುಖದ ಚೆಲುವು

ನನ್ನ ಬೆಳೆಸಿದಂದ ಗೆಲುವು

ಮಗುವ ಸಾಕೊ ಸ್ನೇಹ ಪರಿ

ಕ್ಷಮಾ ಗುಣದ ನೋಟ ಸಿರಿ..

ಮರೆಯಲುಂಟೆ ಜಗದಲಿ..

ನೀನು ಮರ ನಾನು ಕಾಯಿ

ನೀನು ಅಂಬರ ನಾನು ಧರೆ

ನೀನು ಜಲ ನಾನು ನೆಲ

ನೀನು ಬಲ ನಾನು ಕೇವಲ!

ಮರೆಯಲುಂಟೆ ಜಗದಲಿ?

@ಪ್ರೇಮ್@

05.06.2020