1467. ಮಳೆಸುರಿಸು

ಮಳೆ ಸುರಿಸು

ಮಳೆಯ ಸುರಿಸು ಹರಿಯೆ

ಬದುಕ ಬಯಲಲಿ

ನಿನ್ನ ಬಾಂದಳದಿ ಉದುರಲಿ

ವರಗಳ ವರ್ಷಧಾರೆಯೂ..

ಕಷ್ಟಗಳು ಆಲಿಕಲ್ಲಿನಂತೆ ಕರಗಿ

ದು:ಖಗಳು ಮಿಂಚಂತೆ ಮಾಯವಾಗಿ

ಪ್ರೀತಿ ಸ್ನೇಹ ಹನಿಗಳುದುರಲಿ..

ನಂಬಿಕೆ ನೆಮ್ಮದಿ ಬೀಳುತಲಿರಲಿ..

ಆರೋಗ್ಯ ಭಾಗ್ಯ ಉದುರಲಿ

ಮೋಸ ವಂಚನೆ ತೊಲಗಲಿ

ಬಡವ ಬಲ್ಲಿದ ಭೇದವಳಿಯಲಿ

ಸಂತೋಷದ ಪುಷ್ಪ ಸಿಂಚನವಾಗಲಿ..

ದಯೆ ಕರುಣೆ ಮೊಳಗಲಿ

ಜ್ಞಾನ ವಿದ್ಯೆ ಹೆಚ್ಚಲಿ

ಅಜ್ಞಾನವದು ಹರಿದು ಹೋಗಲಿ

ಪ್ರೇಮ ವರ್ಷ ಸುರಿಯಲಿ..

ಸರ್ವ ಮನವು ತಣಿಯಲಿ

ದ್ವೇಷ ದೂರವಾಗಲಿ

ಒಳ್ಳೆ ಮಾತ ಹನಿಯು ಉದುರಲಿ..

ಸಕಲರೊಳಿತು ಬಯಸಲಿ..

@ಪ್ರೇಮ್@

03.06.2020