ನರ್ತಕಿಯ ಬದುಕು
ನಗುವೆ, ನಕ್ಕು ನಗುತ ಕುಣಿವೆ
ಮನದೊಳಿದೆ ಹಲವಾರು ಗೊಡವೆ
ಜನ ತಣಿದು ಸಂತಸ ಪಡುವರು
ನಮ್ಮ ನೋವಿಗೆ ಅವರೇಕೆ ಮರುಗುವರು?//
ಹಣೆಗೆ ತಿಲಕ ಕೈ ತುಂಬ ಬಳೆ
ಮನದೊಳಗೆ ಕರಗಲಾರದ ಕೊಳೆ
ಬೈತಲೆ ಶೃಂಗಾರ ಕೊರಳಲ್ಲಿ ಬಂಗಾರ
ಬದುಕದು ಕಷ್ಟಗಳ ಮಹಾ ಆಗರ//
ಏನಾದರಾಗಲಿ ಬಂದವರ ಖುಷಿಗೊಳಿಸೆ
ನಮ್ಮ ನೋವನ್ನು ನಾವು ಮರೆವುಗೊಳಿಸೆ
ಹಚ್ಚುವೆವು ಬಣ್ಣ ಮುಖದ ತುಂಬೆಲ್ಲ
ಹಲವಾರು ಬಣ್ಣವಿಲ್ಲದ ಲೋಕ ಬದುಕಲೆಲ್ಲ..//
ಮಣಿ ಮಿಶ್ರಿತ ಮಿರಮಿರ ಹೊಳೆವ ಬಟ್ಟೆ
ಬಾಳು ಸರಿಯಾಗಿರದೆ ಕಣ್ಣೀರ ಕಟ್ಟೆ..
ನಮ್ಮ ನೋಡೆ ಜನಕೆ ಮಹದಾನಂದ
ಬಳಿ ಬರಲು ಕಾಯುತಿಹೆವು ಖುಷಿಯೆಂಬ ಆನಂದ...//
ಕಣ್ಣು, ತುಟಿ, ದೇಹ ಚಲನೆಯಲಿ ಜನಕೆ ಸಂತಸ
ಸಮಯ ಮುಗಿದ ಬಳಿಕ ಮನೆಯಲಿ ಇಲ್ಲ ಸಂತಸ..
ಕರಗಿ ಕರದಲಿ ನೃತ್ಯ ಹೆಜ್ಜೆಯು
ಮನಕೆ ಮುದವದು ಗೆಜ್ಜೆ ನೃತ್ಯವು..//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ