ಭಾರತಾಂಬೆ
ಮಡಿಲೊಳಿಟ್ಟು ನನ್ನ ಪೊರೆವ ತಾಯಿ ಭಾರತಾಂಬೆ..
ಮಹಡಿ ಮೇಲೆ ಬದುಕುವಂತೆ ಬಾಳು ಕೊಟ್ಟೆ ತಾಯೇ..//ಪ//
ನಿನ್ನೊಳಿರುವ ಜೀವಿಯೊಳು ನಾನು ಒಂದು ತೃಣ,
ನಿನ್ನೊಡನೆ ನನ್ನ ಕ್ಷಣವು ಎಂದೂ ರಸದೌತಣ!//
ಬೆರಗುಗೊಂಡು ಕುಳಿತುಬಿಟ್ಟೆ, ನಿನಗೆ ನೀನೆ ಸಾಟಿ!
ಪೊರೆಯುತಿಹೆ ನಿತ್ಯ ನೀನು ಜನರ ಕೋಟಿ ಕೋಟಿ!!//
ಮಗುವಿಗದು ತಾಯಿ ಪ್ರೀತಿ ಪ್ರತಿಕ್ಷಣವೂ ಬೇಕು..
ಲಾಲನೆ, ಪಾಲನೆ, ಪೋಷಣೆಗೆ ನೀನೆ ನನಗೆ ಸಾಕು//
ಗಂಗೆ ಯಮುನೆ ಕಾವೇರಿ ನಿನ್ನ ಕಾಲ ಕೆಳಗೆ..
ಕಿರೀಟದಂತೆ ಹಿಮಾಲಯವು ಭಾರತೀಯರ ಕಾವಲಿಗೆ...//
ಹಚ್ಚ ಹಸಿರು ಪೈರ ಸಾಲು ಕೈಯ ಬೀಸಿ ಕರೆಯೇ..
ಗುಡ್ಡ ಬೆಟ್ಟ ಗಿರಿಯ ಸಾಲು ಕೂಡಿ ಬದುಕೆ ಸವಿಯೇ//
ವಿವಿಧತೆಯಲಿ ಏಕತೆಯ ಮಂತ್ರವಿಲ್ಲಿ ಬೇಕು.
ನಿಮ್ಮ ಹಾಗೆ ನೀವು ಬದುಕಿ, ಅದುವೆ ನಮಗೆ ಸಾಕು//
ಹೊನ್ನ ಗಿರಿಯ ಮುಕುಟದಲ್ಲಿ ಚಿನ್ನ ಬಣ್ಣ ಬೇಕೇ?
ತಾಯ ರಕ್ಷಣೆಯಲಿ ಪಣವ ತೊಟ್ಟ ಯೋಧ ಪಡೆಯು ಸಾಕೇ//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ