1102. ಬಾಡದಿರಲಿ ಬದುಕು

ಬಾಡದಿರಲಿ ಬದುಕು

ಭಾವರಹಿತವಾಗಿ ಬಾಗಿ ಬಾಡದಿರಲಿ ಬದುಕು
ಬವಣೆ ಬಹಳವಾಗಿ ಬಸವಳಿದು ಬಾಡದಿರಲಿ ಬದುಕು!//

ಬೆಸೆಯೆ ಬಾಳ ಬಾಂದಳಿದಿ ಬಂಗಾರದಂಥ ಭಟರು,
ಭಯದ ನೆರಳಿನಲ್ಲಿ ನಲುಗಿ ನೆನೆಯದಿರಲಿ ಬದುಕು//

ಭೋಗ ಭಾಗ್ಯದಲ್ಲಿ ಭವವ ಬೆಳೆಯಲೆಂದು ಬಿಡುತ,
ಭವ್ಯ ಭವಿತ ಬಾನಿನಂತೆ ಬೋರಲಾಗದಿರಲಿ//

ಭಯವ ಸರಿಸಿ, ಬೇಧ-ಭಾವ ಮರೆತು ಬಾಳಬೇಕು,
ಭಯ-ಭಕ್ತಿಯೆಂಬ ಭಾಗ್ಯ ಕೊಡುವ ಗುಣವು ನಮಗೆ ಸಾಕು!//

ಬೇಸರವು ಬಾರದಿರಲಿ ಬಹಳ ನೋವು ಕಾಡದಿರಲಿ,
ಬರಡಾದ ಬೆಂಗಾಡಿನಂತ ಬಿರುಕು ಬಾವಿ ಕಾಣದಿರಲಿ//

ಬಿರುಸಿನಲಿ ಬೀಸುತಿರುವ ತಂಗಾಳಿಯಂತೆ ಮನ ಕುಣಿಯಲಿ,
ಭೋರ್ಗರೆವ ಶರಧಿಯ ಬಿಳಿಯಲೆಯಂತೆ ಸುಖ ಬರಲಿ..//

ಬುದ್ಧನಂತೆ ಜ್ಞಾನಿಯಾಗಿ ಕಾರ್ಯಕೆಲ್ಲ ಬದ್ಧನಾಗಿ,
ಬದುಕ ನೌಕೆ ಭಜನೆಯಂತೆ ಭಗವಂತನ ಬಯಸಲಿ..//

ಭೋಜನದಲಿ ಹಿತಮಿತವು, ಬಾಳಿನಲಿ ಸಿಹಿತನವು,
ಬಯಸಿದಂಥ ಸಿರಿತನವು ತನುಮನಕೆ ಬಂದು ಬಿಡಲಿ!//

ಬಾರಿ ಬಾರಿ ಭಾಗ್ಯಲಕ್ಷ್ಮಿ ಬಾಗಿಲಿಂದ ಬರುತಿರಲಿ,
ಬಾರಿಸುತಲಿ ಪ್ರೇಮ ಗಂಟೆ ಬದುಕು ಬಿಂಬವಾಗಿರಲಿ..//

@ಪ್ರೇಮ್@
30.06.2019