ಶಿಶುಗೀತೆ: ಹೀಗೊಮ್ಮೆ
ಮಕ್ಕಳ ಬಳಗದ ಪುಕ್ಕಲ ಇಂದು
ರಕ್ಕಸ ಕಥೆಯನು ಓದಿದ್ದ
ಸಿಕ್ಕರೆ ನನ್ನನು ಬಿಟ್ಟನೆ ಎಂದು
ಪಕ್ಕನೆ ತನ್ನಲೆ ಕೇಳಿದ್ದ
ಜಗ್ಗದೆ ಕುಗ್ಗದೆ ಬಗ್ಗದೆ ಬದುಕುವೆ
ಎನ್ನುವ ಹಾಡನು ಹಾಡಿದ್ದ
ಹೆದರದೆ ಬೆದರದೆ ಕೊರಗದೆ ಇರುವೆ
ಕೆದರದೆ ಕೂದಲು ಎಂದಿದ್ದ
ಆದರೆ ಇಂದು ಎಲ್ಲೋ ಭಯವು
ಓದಿದ ಕಥೆಯು ನೆನಪಿತ್ತು
ಕಾದರೆ ಭಯವು ಹೆಚ್ಚುವುದೆಂದು
ನಾದದ ಮೊರೆಯನು ಹೊಕ್ಕಿತ್ತು
ಸಂಗೀತ ಕೇಳುತ ಎಲ್ಲವ ಮರೆಯಲು
ಮಂಗನ ಮನವು ನೆನೆಸಿತ್ತು
ಸಂಘದ ಇತರರು ನಗುವರು ಎಂದು
ಛಂಗನೆ ನೆಗೆಯುವ ಕಸರತ್ತು!
@ಹನಿಬಿಂದು@
20.12.2023
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ